أنكسار ..
وأنت ماشى ف الطريق..
بتلملم أوراق الشجر..
وبتبكى بدموع المطر..
كل الوشوش بتبصلك..
مافهمش حد بينقذك..
وانت بضعفك ف الزمن ..
مجروح أوى .....
باصص أوى....
ع كل وش بيخدعك..

باصص لحلمك البعيد..
والخطوة لى بترجعك؟!
واقف مكانك.....
والصحاب أتفرقوا ..
مافاضلش شئ تستغربوا..
مافاضلش شئ ع مطرحه..
وأدى اللى شفته من وحدتك ..

الصمت ضيع سكتك..
وانت عنيد ...
ماشى ف سكه هتموتك ..
مافيش غيرك ..
بيسمع صوتك المهزوم ..
بيحفر أسمه وياهموم..
مافيش غيرك..
تعدى السكه بجنونك..
ولسه السكه بتخونك..
بتسكت ليه؟!
خايف من أيه؟!
خايف ماتعش احلامك..

خايف من كل أوهامك..
جوا الحلم ماتخافش..
وأوعوا ف يوم ماتحلمش..
أرسم حلمك وسط خيالك..
أحفر حلمك ع جدرانك..
أصرخ صرخة.....
وخلى نجوم السما تسمعها..
طلع صوتك من جواك..
ماتعيش اليأس معاك..
بص لفوق ...
وأرسم لوحه جديده لحياتك..
عيش بسعاده ف طول أوقاتك..
وامحى الخوف ..
اعزف غنوه تعبر عنك ..
عيش ايامك عيشها بسنك..
احلم بس ..
ماتفكرش ف لحظه يأس..
انسى وبس..
انسى صحابك اللى باعوك..

انسى احبابك اللى خانوك..
وقبل ماتحلم فكر دايما ..
ف العاشقين ..
المغرمين..
ف المستحيل ..
اسأل كتير..
الصدق فين ؟! والحق فين ؟!
اسأل كتير..
هو انت مين؟!
....
بقلم : نهاد أحمد