الاجابه بسيطه لان شركه النيل للاستثمار شركه استثمار عقارى وزى ما احنا عارفين ان العقار هو افضل استثمار
ليه العقار أفضل إستثمار ؟
كتير مننا في الفترة الأخيرة بيحاول يستثمر الفلوس اللي معاه وبرغم الإستقرار النسبي في السوق المصري إلا ان فيه ناس كتير معندهاش المقدرة إنها تغامر بالمبلغ اللي معاها وتدخل بيه مشروع صغير أو كبير عشان لا قدر الله لو خسر الفلوس دي لأي سبب ميكونش خسر تحويشة العمر كله وده سبب مفهموم جداً وتخوف يحترم .
وده بيخلي كتير من الناس يفكروا لمدة طويلة إزاي أستثمر فلوسي بس يكون ده بشكل مضمون ومن غير ما تكون نسبة الخطر كبيرة.
في الحقيقة مجال العقارات مثال حي وواضح جداً في الموضوع ده وبالتحديد في محافظه بنى سويف اللي بنشوف فيها فترة من فترات النمو العقاري علي مستوي البناء وعلي مستوي البيع والشراء، وده بسبب ظهور مناطق جديده بشكل نسبي زي بنى سويف الجديده وبشكل خاص شرق النيل وغيرهم كتير من المناطق العقاريه الموجودة أو اللي مخطط ليها تظهر في السنين الجايه.
وده بيخلق فرص كتير للناس اللي حابه تخرج فلوسها من البنك وتستفيد من المبلغ في إستثمار عقاري سعره بيزيد مع مرور الوقت وفي أسوء الأحوال لو السعر محصلش فيه زيادة مش هيحصل فيه نقص وده في حد ذاته مش وحش.
الحقيقه إن فيه جوانب كتير مفيده للإستثمار في العقار ومن ضمن الجوانب دي إن العقار ممكن يجيب ليك دخل شهري ثابت ودوري وده عن طريق إنك تعرض الشقة للإيجار سواء للأفراد أو الشركات وده يعتبر من النماذج الرائعة في الإستثمار في العقار يعني مش شرط أبداً إنك تشتري العقار وتسيبه لغايه لما سعره يزيد وتبيعه، ممكن لغايه لما تيجي اللحظه دي تستفيد بمبلغ الإيجار الشهري.
انا عارف إنك مش محتاج حد يكلمك عن الفوائد والجوانب الإيجابية والسلبية.. إنت محتاج تاخد الخطوة الأولي وتشتري قطعة أرض أو بيت وتبدأ إستثمارك بدون قلق من الخسارة
ومع شركه النيل للاستثمار مفيش خساره باذن الله هتستثمر فلوسك بالضمانات الكافيه
وكمان من ضمن المميزات اللى بتقدمها شركه النيل لاعملائها إن كل واحد يقدر يشتري علي قد إمكانياته والفلوس اللي متاحه معاه، اللي معاه مبلغ قليل ممكن يشتري شقه مساحتها صغيره وقسطها الشهري معقول، واللي يقدر يستثمر في فيلا ربنا يقدره علي سعرها وأقساطها.
ومش بس الشقق اللي ممكن تستثمر فيها، ممكن تستثمر في أنواع أخرى من العقارات زي المحلات والمكاتب التجارية، ودلوقتي بقي فيه فرص كتير في مشروعات شركه النيل للإستثمار في العقارات التجارية
في النهايه عميلنا العزيز اللي خايف من الدخول في عالم المستثمرين والإستثمارات، بالنسبه ليك العقارات هتكون أفضل إستثمار. بدون مخاطره كبيره لإنها بتحتفظ بقيمتها، وعلى مر العصور العقارات والأراضي سعرها عمره ما كان بيقل بالعكس علي طول الخط كان بيزيد
