عيون بورسعيد || بالفيديو والصور – ‫#‏نرصد‬ الكواليس ‫#‏الاخيرة‬ قبل ‫#‏وزن‬ ابطال الباسلة في رفع ‫#‏الاثقال‬ وكمال ‫#‏الاجسام‬ المشاركين ‫#‏للتاهل‬ لتجارب ‫#‏عالم‬ شباب وفوق ‫#‏السن‬ , ونرصد ‫#‏صرختهم‬ بعدم اهتمام ‫#‏الدولة‬ والمحافظة بالعاب ‫#‏القوي‬

كتبت / رانيا السادات
كاميرا / ريم رأفت
رابطة صفحات ومواقع بورسعيد"عيون بورسعيد"

•الجرايحي | لنصر الدين بورسعيد مش قليلة ولا اسمها قليل , كل عام بيقام علي ارضها بطولة شركات , وابنائها محرومين من اللعب فيها ويطلبونا بالاسم من محافظات اخري عشان نلعب باسمهم هل هذا يصح

• الملكي | بطل رفع الاثقال - اللعبة اتحادها فقير وتفقد اهتمام المسئولين والمستثمرين " ولما بنعرض علي رجال اعمال يرعوا اللعبة يقولولنا حطوا ميدالياتكم دي جانب اخواتها وشهاداتكم بلوها واشربوا ميتها هي دي الاخلاق وهو دا دور رجال الاعمال "

• شتيوي | بطل كمال الاجسام ملناش حظ في بورسعيد في اي شئ حتي بطولة الشركات ولو هنلعب بنلعب باسم محافظة تانية لانها هي اللي بتطلبنا محافظتنا مابتطلبناش

• الجرايحي | بطل كمال الاجسام 63 عام يصر علي تحقيق اللقب في بطولة العالم باسبانيا ويؤكد " ان شاء الله هحقق امنيتي ولو هسافر علي حسابي "

• الملكي | عاوزين بورسعيد ترجع زي ماكان تاريخها بتخرج ابطال في جميع الرياضات اللعبة برا في الخارج بتحافظ الدول جدا علي ابطالها واحنا هنا بنموت عشان نحافظ علي اللعبة من الموت "

• شتيوي اللعبة بتكلفنا يوميا غزاء 400 نفقات 8 وجبات وفي النهاية محرومين من اي دعم معنوي بعد تحقيق بطولات

• الجرايحي | احنا اللي بنصرف علي اللعبة عشان ماتموتش لحد ما تعبنا هل يعقل اننا كنا زمان في التمانينات بنلعب رفع اثقال وكمال اجسام والعاب قوي ولما الدنيا تتقدم بينا اللعبة تموت " جميع المهتمين والمسئولين محوا تاريخ رفع الاثقال من بورسعيد وموتوا اللعبة في البلد

رصدت كاميرا عيون بورسعيد الكواليس الاخيرة لتدريبات ابطال بورسعيد في رفع الاثقال وكمال الاجسام الالعاب الفردية ضمن رياضة العاب القوي قبل مرحلة الوزن للتاهل الي بطولة تجارب العالم للشباب وفوق السن المقامة يوم 1 اكتوبر و2 نوفمبر ثم التاهل لبطولة العالم المقامة باسبانيا لهذا العام

واثناء حوارنا مع عدد من ابطال بورسعيد في كمال الاجسام , روي الجرايحي عبد الرحمن ووائل شتيوي وسيد الملكي عن بداية احترافهم لالعاب القوي رفع الاثقال وكمال الاجسام وتاريخ اللعبة ومعاناتها وعدم اهتمام الدولة بها وبابطالها وكذلك غياب لدور وزارة الشباب والرياضة والاتحاد العام للعبة ومحافظ بورسعيد

في الوقت نفسه وبرغم المعوقات وعدم الاهتمام يحرص الكابتن الجرايحي عبد الرحمن علي خوض بطولة العام حتي ولو تكلف الامر ان يسافر علي نفقته الخاصة ويتميز الاعب الجرايحي عبد الرحمن انه ضمن لاعبي فوق السن حيث يبلغ من العمر 63 عام ويصر علي تحقيق الفوز ورفع علم مصر في بطولة العالم القادمة المقامة باسبانيا

وعن البطولات والمراكز الذي حققها الكابتن جرايحي , بطل بورسعيد بطل القنال 7 سنين اول متتاليين 4 بطولات تجارب عالم اول وتاني 0 بطولات جمهورية درجة اول وتاني ولعب مع ابطال عالم وحقق فوز كما حقق بطولا ت لبورسعيد وحصل علي ميداليات وبطولات عديدة في ورفع اثقال اول 83 وحصل علي اول منطفة وتوالت بطولاته علي مدار السنوات الماضة ويتاهل الان لتجارب عالم فوق السن والمعروفة باسم استاذ الاساتذة ومنها للتاهل لبطولة العالم

من ناحية اخري اشار كابتن وائل شتيوي حول ما تتضمنه تكلفة اللعبة وغذائها والتي تبلغ اجمالي نفقات وجباتها يوميا الي 400 جنيه والتي تصل الي 8 وجبات في اليوم فضلا لكونها من الالعاب الرياضية المرهقة في تمريناتها اليومية وبالرغم من ذلك يتداركون كل مشقات اللعبة وصعوبتها , ولكن ما يحزنهم هو عدم الاهتمام بهم كابطال جمهورية وعالم من جانب الشق المعنوي وليس المادي وكذلك عدم تسليط الضوء علي موهبتهم وما يحققوه من بطولات وكذلك دور المسئولين في رعاية اللعبة والاشراف عليها .

والمعروف عن كابتن وائل شتيوي انه حقق 3 شهادات مدن القناة و3 جمهورية وبحر موسط وحقق بطولات عديدة منها مركز سادس كاس مصر وغيرها ويستعد الان لبطولة تجارب عالم شباب وبعدها التاهل لبطولة العالم

وفي سياق متص للحوار اضاف كابتن سيد الملكي بطل العرب ومنتخب مصر وبحر المتوسط والعالم والحاصل علي مركزاول 95 كمال اجسام وجمهورية ريست واكثر من بطولة مركز اول 97في الفترة من حتي 2008 فضلا لتحقيقه اللقب في بطولات عديدة بحر متوسط ودرع عرب و بطولة العالم 2004 وتحقيقه للمركز السابع وبطولة شركات مركز تالت ومركز اول في 2014

وانه يناشد رئيس الجمهورة وكذلك محافظ بورسعيد وهيئات وقطاعات بورسعيد الاستثمارية وكذلك المستثمرين ورجال الاعمال بالاهتمام بلعبة كمال الاجسام وجميع العالب القوي ورعايتها خاصة ان بها العديد من الابطال اللذين قاموا بتحقيق مراكز عالمية وبطولات , وفي هذا الامر في حد ذاته استثمار للعبة وابطالها ولكن اذا اهتم مهتمين .

واضاف اللاعبين حول المشكلات التي تواجهها اللعبة في مصر عامة وبورسعيد خاصة نفسنا محافظ بورسعيد من خلال موقعه و حجم دوره كمسئول عن بورسعيد يناشد رجال الاعمال ليكونوا رعاة " اللعبة مصاريفها كتير "

ووجه الملكي سؤال لرجال الاعمال " ايه هي المشكلة او فين المشكلة لو ان مجموعة من رجال الاعمال تتبني اللعبة بابطالها وخاصة اننا نحقق فوز ومكسب لدعاية لشركاتهم بالاضافة ان ما ينفقوه سيخصم من الضرائب ولكن ستكون الفائدة كبيرة برفع علم مصروهذا ضمن ادوارهم , ولكن لما بنعرض علي رجال اعمال يقولولنا حطوا ميدالياتكم دي جانب اخواتها وشهاداتكم بلوها واشربوا ميتها هي دي الاخلاق وهو دا دور رجال الاعمال "
" مدن القناة لعبة كمال الاجسام والالعاب الفردية ماتت فيها خلاص محدش مهتم بمدن القناة وخاصة بورسعيد ابنائها بس هما اللي بيحيوا اللعبة ومحفظين علي وجوها للان رغم المعوقات والصعوبات "

" عاوزين بورسعيد ترجع زي ماكان تاريخها بتخرج ابطال اللعبة برا بتحافظ جدا علي ابطالها واحنا هنا بنموت عشان نحافظ علي اللعبة من الموت "

وتابع شتيوي " بناشد رئيس الجمهورية ومحافظ بورسعيد بالاهتمام بينا وبلعبتنا احنا ملناش حظ في بلدنا اننا تلعب بطولة شركات , بطولة الشركات دايما بتتلعب في بورسعيد وابنائها ملهمش حظ فيها ومش بيطلبونا فيها وعشان نلعب بنلعب باسم محافظة تانية , كابتن جرايحي مطلوب في اسماعيلية ودا عشان محدش عاوز يلعبوا هنا "

ووواصل الجرايحي " انا بوجه كلمة لرجال العمال والمسئولين بالاهتمام بالعاب القوي وكمال الاجسام اللعبة ماتت هل يعقل اننا كنا زمان في التمانينات بنلعب رفع اثقال وكمال اجسام والعاب قوي ولما الدنيا تتقدم بينا اللعبة تموت "

يامحافظ بورسعيد بورسعيد مش قليلة ولا اسمها قليل , كل عام بتقام في المحافظة بطولات شركات , وابنائها محرومين يلعبوا فيها وبيطلبوا من محافظات تانية للعب باسمها هل هذا يصح

وانهوا كباتن اللعبة وابطالها ببورسعيد حديثهم " مفيش اهتمام برفع اثقال والعاب القوي في بورسعيد رغم انها لعبة خرجت ابطال وعندنا هيئة قناة السويس وهيئة استثمار ورجال اعمال ومستثمرين واغنياء ومسئولين وحتي الان مفيش راعي رسمي للعبتنا ومفيش واحد مننا موظف ولا انتظر حاجة من الدولة اعتمدنا علي نفسنا وصرفنا علي نفسنا وعلي اللعبة ومحافظين علي وجودها لحد النهاردة عشان ماتموتش في الوقت اللي فيه مسئولين الدولة والشباب والرياضة بتموتنا وتموت اللعبة .

لمشاهدة التغطية المصورة كاملة الضغط عبر الرابط التالي

التغطية لعيون بورسعيد بالتعاون مع الشبكة الاعلامية رابطة عيون بورسعيد " صفحات ومواقع وجروبات "ومواقع جريدة عيون بورسعيد جريدة جيل الثوره بورسعيد ارض الفداء