( روح الخوف )
لسة روح الخوف معاندة
واخـدة منى أحلى وردة
..
والـــحياة اخرتها وِحدة
والصحاب هما المفاجأة
..
والــكلام محتاج لبــوح
والعــتاب نــص المحبة
..
لـيه نخــلى حياتنا نوح
ليه نخلى الضحكة كدبة
..
ليه تملي الكلمة جارحة
ليه عيون الفجر شاردة
..
لسة نـور الشمس باقي
لسة طعم الصدق أحلا
..
والزمن لسة فـ طـريقه
نتسند عــلى اى حـــتة
..
احضن الأيــــام ببسمة
لون الــــــسواد بفرشة
..
خلى دمع القلب ينشف
تلقي كل الـــــهم ذكرى
..
( نسمة سعيد )