في خطوة غريبة ومُعبِّرة في نفس الوقت قررت لندن منح "سلمان رشدي " لقب "سير"

سلمان رشدي للي ما يعرفهوش هو كاتب هندي صاحب رواية "ايات شيطانية " التي صدرت عام 1988 واساءت بشدة لدين الاسلام واثارت غضب المسلمين جدا في الوقت ده لدرجة ان ايران اعلنت مكافأة لمن يقتله

بعد التكريم البريطاني احتجت باكستان وايران لدي السافرة البريطانية وحصلت مظاهرات في ماليزيا وباكستان وافغانستان واستنكرت حركة طالبان هذا التكريم بشدة

مش عارف ليه ساعات بحس ان المسلمين في جنوب شرق اسيا بيغيروا علي دينهم اكتر مننا مش بس في الموضوع ده لكن في مواضيع تانية بتكون ردود فعلهم قوية لدرجة انها بتجبر الحكومات علي اخذ رد فعل رسمي علي الرغم ان الحكومات اصلا ممكن تكون عميلة لكن بتكون مجبرة انها تاخد رد الفعل ده بسبب الضغوط الشعبية اللي عمرنا ما سمعنا عنها في بلادنا يعني الشعب مابيتحركش ولا في موضوع دين ولا دنيا مستسلم استسلام عجيب

ما علينا نرجع لموضوعنا

ملاحظ جدا ان الغرب بقي بيحاول يقول المسلمين بكل طريق انتوا ضعفاء واحنا حنهين دينكم كل شوية وماحدش حيقدر يعمل حاجة .. الحرب علي الدين اصبحت علنية جدا وواضحة.

ياجماعة مطلوب مننا اننا ناخد اي رد فعل علي الاقل نعذر به امام الله عز وجل

عموما انا عندي اقتراحات وياريت لو حد عنده افكار يقولها لنا

خطاب استنكار للسفارة البريطانية في القاهرة
info@britishembassy .org.eg
خطاب لوزارة الخارجية المصرية يطلب الاستنكار
[email protected]. eg