نعمان احمد حماده

خد بالك ....أنت متراقب ؟؟؟

الرجوع إلى قائمة المقالات
ايه رأيكم فى الأقتراح ده   كل واحد يسجل يوم كامل من حياته و كل واحدة تسجل يوم كامل من حياتها من أول ما بتصحى من النوم الصبح لحد ما ترجع سريرك تانى و  بعدين نتفق مع قناة فضائية تحظى بنسبة مشاهدة عالية و نذيع كل التسجيلات دى بمنتهى الصدق مع النفس هتعمل ايه طبعا هتعمل كل الحاجات الكويسة فى اليوم ده و هتقلع عن كل المصايب اللى بتعملها فى الأيام العادية و أنتى كمان صح طبعا أصل الناس هتشوف كل اللى عملتيه ياه خايفين صورتنا تبقى وحشة أمام الناس   طيب و أمام رب الناس   ما سمعتش الأية دى   {مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }ق18   كل كلمة بتقوليها! كل نظرة تنظرها! كل فعل بنعمله! ربنا شايفه     ربنا أعطانا النعم   و احنا نعصاه بيها   أعطاكى اللسان و بدل ما تذكرى ربنا تستخدميه فى الغيبة ... أعطاك العين و بدل ما تتفكر فى خلق الله تنظر الى ...   يعنى لما أجيبلك هدية تزعلنى بالهدية دى و لا هتشكرنى   و تحاول ترد لى الهدية   ربنا أعطانا نعم لا تعد و لا تحصى و هو مطلع علينا و على كل اللى بنعمله بالنعم دى   ازاى ربنا يشوفنى بعصاه باستخدام نعمته على   فكر دايما كل مرة و أنت بتعصى ربنا و احكم أنت على نفسك   ينفع ربنا يشوفنى بعصاه باستخدام نعمته ؟؟؟   أقرأوا معى الآية دى :   {يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيباً } النساء1   شفت ربنا بيقولك ايه بيقولك اتقى الله! ( و يا ريت نفكر كلنا فى معنى التقوى و ان شاء الله لينا كلمة قريبا عن التقوى ...)   خلقك و اعطاك كل النعم اللى أنت عايش فيها و عارف انه بيراقبك و بتعصاه   تخيل أن تاجر المخدرات بيخاف من مراقبة البوليس و أنت ربنا بيراقبك   هو خايف من البوليس علشان بيعمل حاجة ضد القانون و طبعا مش بينفذ الصفقات قدام البوليس و يدور على مكان البوليس ما يشفوش فيه و ممكن يلغى العملية     و أنت ربنا بيراقبك و مش بتنفذ أوامر ربنا دور على مكان لا يراك الله فيه و لو ما لقيتوش يبقى تعمل ايه تتوقف عن معصيته أو تستحمل عذابه بقى   مش تاجر المخدرات ده لو أصر على تنفيذ العملية هيدخل السجن أنت لو أصريت على معصية ربنا هتدخل النار هو ممكن يكون اتعود على السجن بس أنت اتعودت على النار! جرب كده؟؟؟ بعد ما تنتهى من قرءة الرسالة دى روح ولع البوتجاز و حط ايدك فى النار جرب و شوف هتستحمل كام ساعة و لا كام دقيقة و لا كام ثانية و لا هتتعود!!!   لو ما عرفتش تتعود على النار   افتكر دايما اليوم ده :   {يَوْمَ يَبْعَثُهُمُ اللَّهُ جَمِيعاً فَيُنَبِّئُهُم بِمَا عَمِلُوا أَحْصَاهُ اللَّهُ وَنَسُوهُ وَاللَّهُ عَلَى كُلِّ شَيْءٍ شَهِيدٌ }المجادلة6       اللهم يمن كتابنا و يسر حسابنا و أدخلنا الجنة برحمتك يا أرحم الراحمين   و الســـــلام عليكــــم و رحمـــــــــة اللـــــــــه و بركاتـــــه  
  • Currently 45/5 Stars.
  • 1 2 3 4 5
15 تصويتات / 722 مشاهدة
نشرت فى 19 يناير 2007 بواسطة nemo7a

ساحة النقاش

عدد زيارات الموقع

2,731,075