جواز الزباله من الكهربه باطل

* قالوا لم الزباله مع الإناره شطاره

مين يقدر عالحكومه المكاره .

* قلت طب لموها وداروها ده فضيحه

جنب الحضاره عامله غاره .

* قالوا احنا محسودين وده خرزه زرقه

من العين .

* قلت مش تعبوها وعلى بره تصدروها

ومن الوبا تحمونا .

* قالوا إحنا أولى بيها

الدبان والمعيز بترعى فيها .

* قلت والشعب الدايخ الحزين

* قالوا لازم نفوقه بشمه تنعشه

وفى المسا الريحه تخمشه .

* قلت طب ده أذى للانف والحنجره .

* قالوا مالشعب حصين وفى صحه

ومتين ولا أجدع حكيم .

* قلت يابهوات إحنا فى السفينه جماعه .

* قالوا فشر انتوا اللى فى العباره .

* قلت وآخره الشطاره .

* قالوا اللى مش عجبه الزباله

مايدفعش الاتاوه

نروح نقطع عنه الاناره

ونسيب له برضه الزباله .!!!