بحلم بعروسه
وفرحه وطرحه
مزمار فى الشارع
وناس جايه ورايحه
نور غصون على البيت
وبنت على خدها الطرحه
جايه تحلم تخضر قلبى
وتزرع فيه شجره وورده
تسقى عمر صحراوى
ناشف ما عمره
يوم شاف فرحه
هانت السنين
وفاتت من زمان للنهارده
أصل الهنا جاى على أيد
ناعمه وسارحه
وعيون تضحك تنور
تخجل من ضيها اللمحه
كوشة وطريق طويل
وقصر على قبه
فوق هناك عاليه
طاير أنا ياناس
فى السما
والا على الأرض
ده طرحه
" قوم ياابوالجنان
شوف لك فى العيال صرفه "
رفصه وصحيت
ياولداه من حلمى
على سهوه .
ساحة النقاش