(( هي هي ))
كل حاجة صبحت عادية
كل الصور واحدة
قصاد عنيه
واتسرسبت كل الأماني
من بين إيديه
والمعاني اتكشكشت
والحروف هي هي
سنين بتحدف سنين وراها
أحلام مرسومة
وعصافير زقزقت ع الشجر
هشتها بومة
طارت
وصارت
بالأنين مكلومة
وهي عومة
وجت موجة
وزاحتها
راحت راحتها
رجعت للشط تتأمل ف بيتها
حتى بيتها
كان حلم مبني
ع الرمال
وآاااه يا ريتها
من زمان ركنت مبادئها
وغمضت عيون الصح
قدام سارقها
لكن في لحظة رجوع
وبصوت مسموع
لابد من نفضة خشوع
تشبع تجوع
تحلى تموع
حل القضية
مين سايقها
غير ربك اللي خالقها
أرض و سما
وعيش وميه
#عصام_فؤاد
