لمي دهبك يا صبية 

وارجعي دارك

ويوم ما أحس بلزمتي 

ابقي ارجعيلي 

كنت قدرك يا صبية 

وانعي أقدارك

ويا ريت تسامحي بلوتي 

وابقي تدعيلي 

*****

أنتي اللي دايماً 

 صوتك ملالي

وانا اللي عاجز 

وصوتي عالي 

وقدمت مهرك 

كلام وبس

 قلت ف ضهرك 

بأعلى حس 

عدت سنين وانتي

 مستحملاني 

وما تلاقيني

   غير واد أناني

وانتي الحلوة البهية 

لمي دهبك يا صبية 

*****

وشي ف الأرض

 وعدت ياما

خدك الورد 

دبل ملامة 

راضي انا عهدك 

وذمتك

حتى ما سترت 

هدمتك

صوني نفسك م الليلة ديه 

ولمي دهبك يا صبية

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 17 مشاهدة
نشرت فى 9 ديسمبر 2017 بواسطة nasamat7elfouad

عدد زيارات الموقع

38,816