حروف تحترق

====== عونى هشام

جيبت القلم

جيبت الورق

تاهت الحروف

عشت ف قلق

فكرى اتحرق

وانتابنى خوف

الخوف منين

ازاى وليه

مرات احس

بضيق شديد

ومرات احس 

راقص باليه

طب هو ايه

ليه الحروف 

تاهت يابيه

البيه معانا

وفكره شارد

عنده ولد

دايما يباعد

نفسه يتلم عليه

لاقادر يعيده

للى كان

ولا حتى قادر

يسكت عليه

ودا حال كتير 

ناس مننا

الحل ايه ؟ 

يا مسئولين

فوق الكراسى

ليه بتزيدوا المأسى

قرارات مفيهاش

الفراسه

تطلع اوام

من غير دراسه

طب نعمل ايه ؟ 

اكتب!

ياما قلت

كلام كتير

كان موجه للوزير

لو عشت يوم

حال الفقير

هتبقى ايه ؟ 

احنا عايشين

بالتكال

يعمل ايه

ابو العيال

ابنه كان

نفسه ف جواز

الحاله ضنك

والعيشه جاز

والبنت عدت

سنها

حتى الجواز

راح منها

الحل ايه ؟ 

حزام على الوسط

انقطع

والتوب خلاص

مليان رقع

والوش بقى

مليان بقع

عجز ياعينى

وكان شباب

وشعره  اسمر

شكله شاب

الحل ايه ؟ 

كل العقد

بتزيد عقد

تفك واحده

بتنعقد

حتى الحروف

من غير نقط

الباء تشوفها

حرف تاء

والصاد كمان

مش لاقيه ضاد

والعين علينا

كلنا

وكله بيزيد

همنا

اعمل ايه ؟ 

رجعت ادور

فى الورق

صابنى الزهق

حسيت بروحى

هاتتخنق

سيبت القلم

وزاد معايا

كتير الم

لا عرفت

ارسم  كلمه

ولا طفيت  حرف 

شفته بيتحرق

=========

#عونى_هشام

ويبقى الحال كما هو

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 49 مشاهدة
نشرت فى 5 أغسطس 2017 بواسطة nasamat7elfouad

عدد زيارات الموقع

38,369