انا القلب اللى لف ودار
قابلت ياما وياما
ناس قلوبها خضار
وناس تحب تخلص
وناس يادوب مشوار
وانا قلبى بردو كده
يحب يحب بنار
وشوق يكفى البشر
وااه لو حن وغار
اكسبه بصدقك وحاسب
الكدب عنده مرار
وقلبى جايز طير
وشوقه فيه ازهار
تقرب منه تحاسب
بحر وملهش قرار
لكنه لحظة صدقه
يبقى رقيق محتار
خايف يقول الحرف
إلا لو كان أسفار
تبين المدارى
وتسبر الاغوار
لكن لو صادقه كدبك
أو بالظنون حفار
الغيرة مش كتر شك
تشك يبقى انهيار
هو حبى كده
يمكن أكون أنا بحر
ويمكن أكون بحار
ويمكن أكون ولا حاجة
ويمكن أكون مغوار
و( بحبك ) إن قلتها
حسيها مفهياش
هزأااار
