(عزومة رومانتيكي ٠ ٠٠٠ فول وجمبري)

قابلت الحلوة 

سألتها 

جعانة انتي ؟

تفطري ؟

اتمنعت وشفت الآه 

حسيت بريقها   اللي جري 

سرحت عيونها لفوق 

في برج عالي 

مطعم رخامه يخض 

في ايه يا حلوة 

هههههههه 

بتفكري ؟!!!

ضحكت جوايا

 وقلت لها 

طيب يللا امشي بس

معايا 

و اتمخطري

عاشت حلم الواد الروش 

وعبرنا

ولم تدري نيتي 

ومعبري 

شافت شياكة المكان من بره 

عاشت الحلم وقالت 

ايه كل ده 

غالي علينا 

يا مفتري 

قلت لها عشانك يهون الصعب 

بس استعدي

 تشمري 

عاشت لحظات الأمل 

والشيف والمنيو الشيك 

الأسمري 

عند ناصية الشارع

 ح تلف 

 شديت اديها 

استني يا حلوة 

ارجعي خطوتين 

اتاخري 

هنا عربية حوليها الناس 

دي اللمة حلوة 

بزيت ولمون وشطة 

منها تتحرري 

كلي يا روح القلب 

وخدي بصلة 

وبكف إيدك 

كسري 

واستطعمي وهو ايه الفرق 

بين بروتين الفول هنا 

وفوق هناك له ناسه 

البوري والجمبري

خلصتي :

بحسرة قالت آه 

قلت لها بسرعة امشي 

ليه بقى 

تستنظري 

شهامة مني عشانك 

بدل الضرب 

في غسيل الصحون 

ح اتعك جنب العربية 

وحدي

واتهري 

 

#عصام_فؤاد

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 18 مشاهدة
نشرت فى 23 يونيو 2017 بواسطة nasamat7elfouad

عدد زيارات الموقع

38,880