{{ ناس كل أحلامها كوابيس }}
:
الله
على فرحــــة رمضان
والكعك ونقش المناقيش
ناس
الفرحه ملياها أمان
وبتاكل
بغاشه بدل العيش
وناس
عضمها م الجلد بان
وبــدَّها
ياولداهـ...... بالستر تعيش
لايفرق
معاها بتلو ولاضان
ولا كراع
فراخ ولا حتى م الفراخ الريش
خابرين
((( كل من عليها فان )))
وكل ماعـَلا
نازل مَعْليش
وناس
مطحونه وعدمانه
بدّها
تجمع دستة عيش
لارغبه
سلطه ولا وسطه
والجيب فاضى
ولا
قالوا ف يوم مفيش
تبص
ف عنيهم تلقى الفرحه
لافارق
معاهم حرير من خيش
فضيان
الجيب وبوليصة البوسته
وكل أمله
فى الدنيا المعيش
وناس عايشه
ماهى عايشه
بدها
الستر فى مترين خيش
وناس
بتحلم وحلمها محقوب
وناس
كل أحلامها كوابيس
:
بقلم/سمير محمد
