مصر - غنائيه
========= عونى هشام
بحبها ايوه بصحيح
ومش صحيح
انى راح ابعد عنها
عشقتها وهيا هوايا
وعشقها مش بالنوايا
وروحى ترخص لاجلها
شفتها اه بالعيون
وحفظتها بين الجفون
وانا بكمل حلمها
الزرع فيها اخضر وعالى
نيلها جاى من الاعالى
نخيلها حارس ارضها
شعبها ناس طيبين
فيهم ايمان كمان ودين
والرب حارس امنها
مين فى الوجود هنا زيها
مين فى الحضاره باصلها
هيا الامل هيا الحياه
والكل يرخص لاجلها
فيهم فقير فيهم غنى
حب النبى هنا مطلبى
الكل عاشق صحبته
وبصحبته يشفع لها
بحبها ايوه بصحيح
ومش صحيح
انى راح ابعد عنها
==========
عونى هشام
الحقوق محفوظه
