نفسى افرح
========
حزين يا قلبى ما بتفرح
جريت ما شفت ليك مطرح
لما نويت تروح لبيعد
راموك بكلام كبير يجرح
سكت ودمع عينى حزين
وقلب يئن زاد فى انين
هجرت نفسى والايام
وعدى اليوم عليا سنين
وامنى نفسى اشوفلى خلاص
خلاص ما عدش فى اخلاص
تحبه يزيد فى الامك
كأن الفرح فيه افلاس
نفسى يارب يوم اخلع
واشوفلى نهار جديد يطلع
احس واعيش معاه بامان
يحمينى يواسينى ويمسح دمعه لو تلمع
يا دنيا الرحمه بشويه
تعالى وهاتى حنيه
كفايه دموع كفايه الام
كفايه عشت فى آسيه
كفايه حزن نفسى افرح
============
#عونى_هشام
