لملمت اعصابي وبديت

ارفع ف عيني لعينك انتي

وابصلك جواهم ..

النظرة بتحارب 

ياريت

كان من عينيا جنود

وٱمشي الطريق جواهم..

عايدة ..

اشواك كتير بتصعّبك

هم الظروف بيعصّبك

كان من دواعي سروري اساعدك

بس المساعدة بتتعبك

اتمالكي اعصابك خلاص

متشمتيش الدنيا فيكي

اهي واقفة تتفرج علينا

بدموع عنيكي بتكسرك

واتملّكت بالحزن فينا 

فرحانة فينا ؟!

فرحانة ليه يامُّ الليالي السود

طب بكرهك

يا حاجة مالها وجود

وباحذّرك

عمّالة تيجي على اللي منّي

كأني مش ف الدنيا ليه !

طب عِدّي أيامك وعِدّي

الحزن راح تلقيني فيه

طول الزمن

ومخلّياني اتعب أوي

واهرب أوي

واوصل لآخر ميت طريق

ومفيش صديق مخلص أوي

فٱفضل لواحدي مكمّلك

تيجي أوي 

مع كل مين ركب الحصان

ومقالش يا رب وهِدي

و على الوحيدة اللي هِدت 

وٱستجدعت .. 

تيجي أوي

فبٱحذرك ..

وٱنا وٱنتِ قاعدين والزمن

طول الزمن ~..

#أمير_فياض