بتخض عليك... لو يوم زارنى قلبك ف منامى.. واتفاجأت عينى .. بالوجع الساكن جوه عينيك... مين جرحك وانت الجارح...؟ وانت اللى مكانش جناحك يوم يقبل يتصالح....!!!!!!!! جرحوك أحبابك.....؟ جرحوك أصحابك...؟ جرحوك ورضيت .. بالجرح ومقفلتش بابك...؟ وكأنك صقر ف ليل طيرك.. بتبدر ع الأصداف النور... وتدور ف مدارك ..وتدور... يمكن بالصدفه تشوف قلبى.. وتشوف روحى.... وتشوف عينى المخضوضه عليك... أصلك دايما متسرع... قلبك رعدة برق وريح... لكن لما بيصفى هواك... وصفاك... يرسى ف مرساك... ألقاك بالحب تدثرنى ..وتغطينى .. وكأنك نور قلبى وعينى ... بس ان زام البحر ونادى... من تانى يا حبيبى عليك... تنسى عنيا المخضوضه عليك ... وتواجه تانى الموج والريح.. وارجع من تانى اتخض عليك... ارجع من تانى ..أتخض عليك... *********************************