هتغيبى تانى

وتسبينى ف نارى اعانى

طب كنتى قولى انك مسافره

ما انتى زى طيور مهاجره

صعب تلعب ع الامانى

ارحمينى

ارحمى القلب اللى حبك

ارحمى الصدراللى ضمك

ارحمى الحضن اللى لمك

والامان مفروش بيمك

والحنان مطلوق ف دمك

دا اللى حبك زى امك

مش كتير يغرق ف همك

 

اعلنى للكون بريدك

فرع اخضر من جريدك

حلمه عمره لسه بايدك

نهر نابع من وريدك

 

اتركى الاحلام وكونى

نجمه لامعه ف وسط كونى

وكونى .......

 

كونى شمس منوره كونى

كونى ورده حب صافى

كونى بسمه عمر دافى 

كونى حنضل طعمه شافى

كونى فجر من العوافى

 

كونى بكرة ....

كونى ذكرى ....

كونى ضل الحب شجره

وكونى فاكره .......

ان قبل البعد عشره

تملك الحب والمصير

كونى زى الحر طير

بس كونى .......

ديما بخير،،

،

#ابوادهم