بحل مشاكلي بالنسيان 

وبهرب م الضغوط بضغوط 

 

وطول الوقت مش زعلان 

ونفس الوقت مش مبسوط 

 

عايش أغلب ظنوني  شك 

 وأغلب شكوكك موت 

 

كل اللي عاش ميت 

كل اللي مات بشروط

 

عايش انا في حاله 

وفكري مش مظبوط

 

في ناس تموت  عاله 

وناس تعيش  ف تابوت 

 

وفي صوره مسجونه 

 داخل  برواز محطوط  

 

واحلم اغير واقع 

واجمع ف أيدي خيوط 

 

واحل مشاكلي بالنسيان 

وبهرب م الضغوط بضغوط 

 

وطول الوقت مش زعلان 

وكان نفسي أعيش مبسوط 

...........

أحمد ونس