(علقوا ورق النتيجة)

 

ارتاحوا يا أهل العفن 

في الفن بالبلطجة 

مطوة وسيف فنكم  ؟!!!

قلة أدب محرجة 

خربتوا عقول أجيال

منكم  متخرجة

وبفلسفة تبرروا

وتنهقوا بحشرجة 

هو ده الإبداع 

مليتوا البيوت 

أوجاع

علقوا ورق النتيجة 

كام عقل بيكم ضاع ؟

كام بيت منكم خرب ؟

والله أنتم جرب 

سارح حتى النخاع 

فنكم 

 وأحد ملط 

طايح في خلق الله

او بنت  عريانة 

أستاذة ف قولة آه ؟

 فلحتم كده ونجحتم؟

يا حسرة يا ولداه 

علقوا ورق النتيجة 

وبروزوا المجموع 

كله رسوب في رسوب 

وطن غرق في دموع 

فيه فرحة إن غابت 

ملهاش أمل لرجوع 

 

# عصام_فؤاد

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 23 مشاهدة
نشرت فى 21 أكتوبر 2019 بواسطة nasamat7elfouad

عدد زيارات الموقع

37,130