دعوتك بتقوينى
ودايما فيها أستجابه
دعوتك بتخلينى
طاير فوق سحابه
ياأمى ضمينى
حسسينى بالصلابه
بضحكتك جاوبينى .
ورينى معنى الطيابه
ياامى انا غصن وانتى
لحياتى جذوره
سعادتى فى الدنيا لحن
انتى مصدر شعوره
ياأمى انا امتدادك.
انتى لعمرى أصوله
انا شعاع منك وانتى
للنور وهابه
---
ياأمى انا طفل اتولد
مالوش بصمه فى الحياه
كنتى ليا كل المدد
كنتى بوصلة الأتجاه
أخواتى مهما كان العدد
حقي بينهم ولامره تاه
خوفك عليا حمانى
يافتوة الغلابه
---
علمتينى الاخلاص
ربتينى ع الفضيله
علمتينى احب الناس
ساعدتينى بالوسيله
كنتى لحياتى أساس
م انتى كبيرة العيله
انتى الجميله الأصيله
انتى حروف الكتابه
---
علمتينى الصح كله
عن غلطى تردينى
كنتى للشرح علمه
عرفتينى أصول دينى
كنتى للفرح أسمه
عمرك ما زعلتينى
ودايما أنده ياماما
لو ناوى حتى أقول يابا
---؛؛؛
وحيد احمد
