بحبك حب مش معتاد

ومن غيرك بتوه ف بلاد

انا عاشق وده طبعي 

بقلهالك كفايه عناد

يشجرة عيد تدفينى 

بعز البرد

يا احسن حد يحمينى

انا البردان فضمينى

ده لو صايم 

ببل الريق نظر ليكى 

هعيش بيكى فرح عمرى

ومش هنسي اعيش ليكى

ياصوت الفرح عز الحزن

بنسي الدمع 

فبستسمح لمعاليكى

انا السلطان 

ومملكتى تضيع بدون عينك

ولو غبتى بقول فينك

ده انا الفرحه وانا سنينك

عليا ربنا يعينك

انا الشاعر 

وشعرى مش هيوفيكى

ده لو ميت

بنظرة من داخل روحك

هتحينى 

ده انا تايه 

فدلينى

هعيش الحب من قلبي 

ودمع العين 

ولا ينزل 

مادام العمر كان بيكى

يا اجمل عيد

وبسماتى

وفرح القلب لو اتى

بياتى من داخل روحك

فانا فرحك 

وانا جروحك

يروح مريم

وصوت عفه

يا اجمل روح

كمان خفه

وبسمة عين 

داخل روحى

ولو غبتى 

تكون خايفه

انا شايفك

وانا عارفك

ولو هوصف جمال روحك

ولا هقدر انا بوصفه

اوفيكى

فيرضيكى

اتوه بعدك

واعيش الجرح من قلبي

ده انا عاشقك

وده طبعى

اكون ضامك

عشان روحى

تكون روحك

فحسينى

ده انا الاحساس

مموتنى 

بيقتلنى 

بقول لو كنتى هتغيبي

هشوف المر ولهيبي

ولو عيان 

بتشفينى 

بجد بنظرة من عينك

ده انا خايف

فخبينى 

فرغم القوة انا غلبان

انا عاشق لروح انسان

وروح طاهرة 

تدفينى 

ببرد شتايا تحمينى

فحبينى

________

احمد فرج

عنوان القصيدة

فحبينى

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 57 مشاهدة
نشرت فى 4 مارس 2019 بواسطة nasamat7elfouad

عدد زيارات الموقع

37,132