..................الحلم الكبير.................

بكرة بلادنا هترجع 

...............تاني تقود العالم زي زمان

ومنهاالخير هيعم الكون

...............ونورها هيوصل كل مكان

فيها رجال تنتج وتنافس

..............سوق  الصين ومعاها يابان

فيها جيوش  تفدينا بروحها

............وتفنى جيوش ظلم وطغيان

وفيها الشرطة الليل سهرانه

..............تحطم حلم خسيس وجبان

وفيها فلاح فى الغيط بيغني

.......................ورا محراته زي زمان

وكل قيراط من عرقه

.............هينتج أكتر من مليون فدان

وفيها العامل يخلص عمله

............ ويبقى ضميره حكم وميزان

وفيها  مهندس نبغة  وواعى

....................يبني يعلي فوق البنيان

وفيها طبيب خبرة متميز

......................يثبت إنه رحيم إنسان

عمره ما يرفع اجرة كشفه

...................على مسكين منا وغلبان

وفيها علماء بعقولها توفر

.............سبل الراحة وعيش فى أمان

وهيتحدوا نووى وذره

..................بإرادة قوية تفوق  بركان

وترجع لينا كمان كرامتنا

...................ولو هتكون الروح قربان

ويقف العالم يحلف بينا

.............وبعروبتنا وبوحدتنا زي زمان

..................مع تحيات.....................

.............محمد جمال فايد.................

..........جمهورية مصر العربية.............

....كفر شبرا زنجى الباجور منوفية.......

المصدر: آسيا محمد
  • Currently 0/5 Stars.
  • 1 2 3 4 5
0 تصويتات / 18 مشاهدة
نشرت فى 8 فبراير 2019 بواسطة nasamat7elfouad

عدد زيارات الموقع

37,132