عن اشرف المهن الخدمة الاجتماعية

انهارده مش هكلم عن مشاكل لان كثير من الناس يتخيل انها نتاج معاناة شخصية 

لا والله انا هكلم عن احب واعظم واشرف المهن اللى نشأت فى العصر الحديث ولكنها من قديم الازل 

الا وهى الخدمة الاجتماعية او " الاخصائى الاجتماعى " لو ان الاخصائى نفسه حاليا ما يعرفش هى بتعمل ايه

بمفهوم بسيط جدا 
" ليست مساعدة الاخر ...... ولكن مساعدة غيرك لكى يساعد هو نفسه "

بمعنى انه لا يعتمد عليك لحل مشكلته ولكن انت تهيئه فكريا ونفسيا و اجتماعيا لكى يساعد نفسه

تفهم المشكلة صح و تفهم العميل صح وتصحح فى افكاره و توجهاته ورؤيته و تشتركوا فى وضع رؤية مستقبلية لحل المشكله اللى هو هيحلها بنفسه

العمل ده اساسه تغيير فكر و ارشاد نفسى و تغيير انفعالى 

نظرتنا للمجتمع انه مثلث له ثلاث اضلاع 

"اقتصادى و اجتماعى و سياسى "

كل ضلع من الثلاثة بيؤثر على الاثنين الاخرين

فلا نندهش انه لما تختل موازين الامور فى المجتمع فى ركن تتأثر باقى الاركان 

سؤال : احنا مالنا ومال الكلام الفارغ ده بقا 

الجواب : هل ارسل الله الانبياء والرسل الا لتغيير الافكار و المفاهيم بما يتفق 
ما الفطرة التى فطر الله الناس عليها 

هل نزلوا الا لمساعدة الناس

انا نانى كأنسانه ارى مشاكل اجتماعية و تصرفات خاطئة 

و لكن فعلا المهنة دى رغم انى لا اعمل بها الا فى حالات قليله تطوعا مش رسمى الا انها فى دمي و كل مقال بكتبه كانى بكتب بحث اجتماعى برؤية مبسطه جدا

زى حد دخل غرفه مظلمه وضرب كشاف نور هتلاقى كراكيب وحاجات ملخبطه مش علشان نهزء بيها لكن علشان نعيد ترتيبها تانى ونصحح

سهل انى اقول و انا مالى حال الدنيا و احذف واعمل بلوك و لكن ايه اللى عملته باللى درسته ايه دورى كمسلمه او كانسانه مصرية حتى 

" كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ ۗ "

و ما ننساش 

" لا يغير الله ما بقوم حتى يغيرو ما بأنفسهم " فلازم نغير و ما فيش بديل تانى