نصيحة الأسبوع
الإجهاد والتعب<!-- #EndEditable --><!-- #BeginEditable "body" -->
 |
|
كل سنة وإنتم طيبيبن مر أول أسبوع من رمضان وطبعا أكيد خلال الأسبوع ده اتعرضتِ للموقف ده وهو إن حد يشوفك الصبح ويقول لك: "مالك باين عليكِ الإرهاق والتعب كده ليه؟ ده الصيام باين عليه عامل شغله معاكِ.. وهو إنتِ مش بتاكلي كويس؟ شكلك مرهق كده ليه؟ هو إنتِ صايمة بجد المفروض تاخدي بالك من نفسك ده إنتِ لسه صغيرة أمال لما تكبري شوية هتعملي إيه؟" طبعا تردي وتقولي مش عارفة وهو باين عليّ الإرهاق قوي كده؟ مش عارفة من إيه هو أنا أول مرة أصوم، ده أنا باصوم من زمان من وأنا صغيرة، هو إيه اللي حصل يعني؟ وتتعجبي لما تبصي لنفسك كمان في المرايا وتلاقي فعلا إن وشك مجهد وتعبان وإن تحت عينيكِ انتفاخات أو سواد... قبل ما نعرف الحل.. في البداية وعلشان نكون متفقين مع بعض إن سبب الإرهاق أو التعب ده مش الصيام نهائي زي ما كتير مننا فاكر.. بل على العكس الصيام مفيد جدا للجسم ومالوش أي أضرار، والسبب الحقيقي في حدوث المشاكل دي إننا ممكن نكون بنعمل شوية حاجات غلط هي اللي بتضر ببشرتنا وتخليها تبان مرهقة ومجهدة وبنربط عن طريق الغلط بين اللي حصل لنا ده والصيام.. السهر طول الليل طبعا أكيد كلنا بنستنى شهر رمضان علشان نسهر طول الليل لغاية السحور قدام التليفزيون نتفرج على المسلسلات الكتير قوي، وطبعا كلنا عارفين إن السهر هو العدو الأول والأخير والأساسي للبشرة.... علشان كده ياريت إنك تقللي من السهر شوية، ومش معنى كلامي إنك ماتتفرجيش على المسلسلات، لا اتفرجي بس بالعقل وبلاش موضوع إنك تسهري طول الليل لغاية الفجر، ويا ستي المسلسلات اللي بتتعرض بالليل دي بتتعاد تاني الصبح، واوعي تنسي إن مفيش حاجة بتعوض نوم فترة الليل. اللخبطة في الأكل وأعتقد إنك لو مشيتِ على نصيحة العدد اللي فاتت بتاعة التغذية في رمضان مش هتلاقي أي مشكلة -إن شاء الله- بخصوص الموضوع ده وكمان خدي بالك إنك تشربي سوائل كتير وعصائر فريش في الفترة ما بين الفطار والسحور علشان تعوضي فترة الصيام. النرفزة والعصبية ياريت إنك تبعدي عن النرفزة والعصبية الزيادة عن اللزوم وخليكِ هادية لأن التوتر بيضر البشرة جدا جدا وبيخلي الوجه يبان إنه مجهد وتعبان... عدم ممارسة الرياضة طبعا أكيد كلنا بناكل ونقعد نتفرج على التليفزيون وماحدش فينا فكر إنه يمارس رياضة، والحجة إن رمضان وقته ضيق.. على الرغم من أن الرياضة مهمة جدا في رمضان لأنها بتساعد على تنشيط الدورة الدموية في الجسم وزيادة الدم الواصل لخلايا الجسم ومنها خلايا البشرة. علشان كده ياريت إنك تمارسي الرياضة، وأبسط حاجة هي إنك تمشي كل يوم بعد الفطار لمدة نصف ساعة ولو مش هتقدري إنك تمشي ممكن إنك تتحركي في البيت، يعني تقومي وتقعدي.. تساعدي مامتك في تنضيف السفرة.. تتمشي في الشقة كده وبلاش الاستسلام للقعدة بعد الأكل لأنها -صدقيني- بتضر البشرة جدا، وبتخليكِ تشعري بإنك مجهدة من أقل مجهود على الرغم من إن رمضان يعني النشاط والحركة. مش الخمول والكسل. طيب دي كانت الأسباب اللي ممكن إنها تخليكِ تشعري بالتعب والإرهاق، نشوف مع بعض شوية ماسكات هايلة لعلاج الإرهاق والتعب.. أولا: ماسك للبشرة المجهدة لو حاسّة إن بشرتك مجهدة ممكن إنك تجربي الماسك ده.. ماسك اللبن:
ثانيا: ماسك للعين المجهدة
ماسك اللبن: ماسك البطاطا: بس كده خلاص خلص عددنا النهادره، لكن لسه نصايحنا ماخلصتش.. |
ساحة النقاش