*لما تقوللى مفيش امن بعد9 شهور ....رغم المليارات اللى اتصرفت على الشرطة ....يبقى فيه حاجة غلط
*لما تقوللى ان الفوضى هتستمر لحد شهر 5/2013 موعد انتخابات الرئيس .....يبقى فيه حاجة غلط
*لما تقوللى ان لحد النهاردة مفيش ولا جنيه رجع من فلوسنا اللى عند الحرامية ....يبقى فيه حاجة غلط
*لما تقوللى ان اسبانيااخدت من حسين سالم 32.5مليون يورو ومبانى بقيمة 10 مليون يورو ....واحنا مشوفناش منه مليم من فلوسنا اللى سرقها....يبقى فيه حاجة غلط
*لما تقوللى ان خزينة الدولة مافيهاش فلوس لتحقيق مطالب المواطنين ....مع ان فى مصر الآلاف الموظفين يقبض الواحد منهم فوق المليون جنيه شهريا ومساعديهميقبضوا مئات الآلاففى الشهر ...وكمان رجال الاعمال عليهم 100 مليار جنيه ضرائب للدولة ....يبقى فيه حاجة غلط
*لما تقوللى ان احد الفلول هدد بعزل الصعيد وقطع الكهرباء عن مصر ....او تم منعهم من الترشيح لمجلس الشعب ....ومحدش يرد عليه.....يبقى فيه حاجة غلط
*لما تقوللى ان كل الناس اللى بتعارض خونة وعملاء ومأجورين ...من غير حكم واحد قضائى يقول كده ....ولا حتى تحقيق....يبقى فيه حاجة غلط
*لما تقوللى ان فيه مؤامرات داخلية وخارجية على البلد ....وترمى الاتهامات يمين وشمال ....من غير ما تكشف اشخاص ولا مؤامرة ....وانت عندك امن وطنى ومخابرات وجيش ....يبقى فيه حاجة غلط
*لما تقوللى ان المشير وعمر سليمان والعيسوى شهدوا فى المحكمة ببرأة مباركمن كل التهم ....رغم البيان رقم 52 للقوات المسلحة ....قال رفضنا اطلاق النار على المتظاهرين ....يبقى فيه حاجة غلط
*لما تقوللى ان الثوار بيتحاكموا عسكرى ....ومبارك قاعد فى مستشفى 7 نجوم ....ونائب رئيس الشرطة العسكرية بيضرب تعظيم سلام للعادلى فى المحكمة ....يبقى فيه حاجة غلط
*لما تقوللى ان تونس انتخبت لجنة تأسيسية لوضع دستور جديد وتشكيل حكومة انتقالية ....ومصر ليسه بتعمل مجلس شعب هاينتخب لجنة تأسيسية لوضع دستور جديد بعد سنة ....ومش هيشكل حكومة ....يبقى فيه حاجة غلط
*لما تقوللى المشير مش طمعان فى الحكم ..وتلاقى حملة لترشيحه للرئاسة ...يبقى فيه حاجة غلط
*لما تقوللى ان المجلس العسكرى بيعد وثيقة مبادئ فوق دستورية ....تجعل منه قوة فوق المحاسبة ....وفوق الشعب والحكومة ....وتجعل منه دولة داخل دولة....يبقى فيه حاجة غلط
&&&&&&&&&&&&&&&&&&&&&&&&&&&&&&&&&&&&&&

*لما يسألك ابنك :- ليه يا بابا سيبت الثورة تضيع سنه 2011...؟؟؟ومعملتش المستحيل عشان مستقبلنا يبقى افضل؟؟؟؟ومتقدرش ترد عليه....يبقى فيه حاجة غلط

&&&&&&&&&&&&&&&&&&&&&&&&&&&&&&&&&&&&&&&&
طيب ايه الحل؟؟؟نتمسك برئيس مدنى فورا....لانهخاء المرحلة الانتقالية ...الاستقرار ان ناس قلبها علىك تحكم ....الاستقرار ان المدنى يحكم والعسكرى يدافع عن الحدود ،الحل ان ننزل ونقول للظلم لالالا..ولخراب مصر لالالا
ياشباب مصر واحرارها :-احنا بنعيش مرحلة خطيرة منعمر مصر ...بلدنا واحدة ...ومستقبلنا واحد...والفرصة فى ايدينا دلوقتى عشان نبقىاحسن بلد ..الخير فى مصر كتير قوى ..بس النهب اكتر ..مش عايزين نتسرق تانى ...ولا امن الدولة يعذبنا تانى ..فات الكتير ...واستحملنا الكتير ...واللى جاى اسهل بكتير بس المهم نكمل صح 
وعشان كده مطلبنا هو 1-الاستقرار
2-انهاء المرحلة الانتقالية 
3-العدل-الحرية -حق الشهيد
او الشهادة فى سبيل الحق 
امضاء مصرى حر مستقل