المصدر: يا مصر انا عاشق ليكي يا مصر انا عاشق ليكي ولو طلبتي روحي ما تغلاش عليكي ساعة الجد انا أفديكي بدمي و روحي انا كلي ليكي يا مصر انا عاشق ليكي و اعدائك مهما حاولو يدمرو فيكي وفي الأخر مش ها يقدروا اكيد عليكي و كمان انتي بتحمي البلاد اللي حواليكي وصدقيني ما حدش في يوم ها يقدر عليكي يا مصر انا عاشق ليكي و مهما قولت وغنيت ليكي طول عمري مش هاقدر لحقك أوفيكي ياللي العالم كله بيحتار فيكي وسألو التاريخ اللي كتب ليكي من الهكسوس والتتار وحتى الصليبين لما فكروا يدمروكي هم اللي أدمرو فيكي يا مصر انا عاشق ليكي وشوفو الصهينة لما افتكروا نفسهم حاجة في سبعة وستين وفي الأخر خدوا على عنيهم في تلاتة وسبعين وخرجوا من سيناء وهم مهزومين ولدمار خط بارليف مش مصدقين يا مصر مين يقدر عليكي يا مصر انا عاشق ليكي وعشاقك بالملايين دايبين فيكي وقت الجد بيوقفوا حائط صد ليكي ادام كل حد يحاول يعتدي عليكي يا مصر انا عاشق ليكي من أشعار كفيف عاشق لتراب مصر محمد الشعراوي