المصدر: يا ناس ليه يا ناس ليه بقيتي غريبة ولا تعرفي الحب ولا تعرفي ناس حبيبة كل اللي عايشين في الدنيا بقوا حاجة عجيبة و العجيب فينا والحاجات الغريبة يا ناس ليه حتى الناس القريبة بقيت عن بعضها غريبة و نُخون بعضنا لبعض دي بقت حاجة عندنا سهلة و قريبة و نكذب على بعضنا وفاكرنها حاجة جميلة يا ناس ليه يا ناس ليه بندوس على بعض ومافيش حد بيقف جنب حد ولا حتى في السهل ولا في الصعب يا ناس ليه محتاجين ثورة على أخلاقنا الأول اللي بقت عننا غريبة انا لا بقول حاجة عجيبة ولا غريبة كل واحد يشوف نفسه اكيد ها تتغيير فينا حاجات كتيرة وبلدنا أكيد ها تكون أجمل من أي بلد غريبة يا ناس ليه يا ناس راح فين الاحساس والضعيف ليه بين الناس بينداس والقوي بينباس حتى لو ماعندوش احساس بالناس يا ناس يا ريت يكون اللي موجود بينا الاحساس ولازم الواحد بحس بكل الناس هو ده معنى الاحساس عرفتو ليه يا ناس من أشعار كفيف مصري محمد الشعراوي