المصدر: ليه يا زمن ليه يا زمن بتعمل كده فينا هو العيب فيك ولا العيوب مننا وفينا نحلم نعيش الفرح لكن الفرح مجافينا وبنلاقي الحزن دايماً ساكن فينا وحوالينا نحلم بيوم الضحكة مش مفارقة لينا لكنه الفرح حالف ما يجي نواحينا كل ما نيجي نفرح نلاقي الأحزان راجعة لينا ولما نحلم الجرح بيصحينا ليه يا زمن بتعمل كده فينا أكيد العيب مش فيك ده العيب فينا وفي الناس اللي حوالينا طبع الخيانة والغدر بقى هم اللي بيتوصفو بينا والغدر بقى يجي من أقرب ناس لينا والصاحب و الحبيب والقريب مابقوش اقرب ما لينا وبقى اقرب ما لينا الجراح ودمع عينينا ليه يا زمن بتعمل كده فينا نحلم نلاقي بيوت الفرح جاهزة لينا لما نلاقي الفرح نلاقيه بيجري بعيد عنا ولما نلاقي الحزن نلاقيه بيجري علينا هو الفرح ليه مجافينا والحزن ساكن فينا وحوالينا ليه يا زمن بتلعب بينا هو انت العيب فيك يا زمن ولا الدنيا بتلعب بينا ليه يا زمن بتعمل كده فينا ظلمناك يا زمن معانا والعيب هو اللي فينا ليه يا زمن بتعمل كده فينا من أشعار كفيف محمد الشعراوي