المصدر: بحلم ألاقي وطن بحلم الاقي وطن بحلم الاقي وطن يحتويني بحب وشوق وحنان انا صحيح معاق لكن انا في الأول و الأخر انسان زي أي انسان له دم و روح وكيان و بحلم بين الناس يكون لي مكان بحلم الاقي وطن بحلم اكون في وطني انسان والناس فيه مش تقول ده عاجز وتقول ده انسان وانا زي الطير يا وطني هاطير بين الأوطان ها ضور بين الأوطان على بر الأمان يا ريت يا مصر تكوني انتي بر الأمان بحلم الاقي وطن يا وطني انا انسان لي لحظات فرح ولحظات احزان ولي لحظات ضعف ولحظات قوة زي أي انسان وعندي عزيمة وإرادة وقوة تبني كل الاوطان بحلم ألاقي وطن انا معاق لكن لا أعرف الخضوع ولا الاستسلام وبجتاز الصعب مهما كان ولا بعرف سدود ولا حدود مع الأحلام ومعايا يا وطن ها تحقق الأحلام معايا يا وطن هاتكون أحلى من كل الأوطان بحلم ألاقي وطن هو العيب فيك يا وطن ولا في فكر الانسان ولا العيب في كل معاق انسان قالو عني كفيف البصر لكن عندي بصيرة تنور أي ظلام في أي مكان قالو عني معاق حركي لكن جوايا حركة تحرك وتتقدم بها كل الأوطان وقالو عني أصم لكن جوايا قوة تبني كل الأوطان عبر الأزمان و قالو عني قزم لكن بإيدي اطول الشمس في السما و أمحي بها الظلام والمعاق يا وطن هو اللي ما عندوش فكر ولا ضمير هو ده المعاق الانسان عرفت يا وطن مين السليم ومين المعاق من الإنسان عبر الزمان ولسه بحلم بوطن ونفسي ألاقيك يا وطن من بين الأوطان ويا ريت يا مصر تكوني الوطن ده من كل الأوطان بحلم ألاقي وطن من اشعار كفيف عاشق لمصر محمد الشعراوي