محروم م الحنان
محروم م الامان
لا حب يداوى ولا قلب يواسى
ويشارك ف الاحزان
ماشى ف طريق من غير صديق
طريق ومش طريق مكتوب اسمه حريق
اوله كدب وخداع واخره حرب وضياع
لا ليا حبيب ومنايا يكون لى حبيب
يكون منى قريب ولا عنى عمره يغيب
ياخدنى لبر الامان ويدوقنى طعم الحنان
شفت ناس وناس وعرفت ناس م الناس
لكن جرح الاحساس كان طبع كل الناس
قلوبهم تجرح ف قلبى العطشان
قلوبهم تولع ف حبى النيران
بس لا مش هسلم للقلوب
اللى بتجرح ف القلوب
وهخلى للفرح دروب ودروب
يتوه فيها الحزن ويدوب
ونعيش الحب من جديد وننسى زمان
م نخليش القلب نار تقيد ويرجع الحرمان