اتفرج يا ســـلام
عجبي علي قلب مليان بالاحزان
وشاطر يفرح الاهل والخلان
يقف علي طول الضعيف ويساعد الغلبان
وهوه ما لاقي اللي يساعده علي مر الزمان
وعجبي
لفيت كتير الدنيا طولها وعرضها
وقابلت ناس وناس مختلف طبعها
ناس تشوفها قوام بسرعة تحبها
وناس نعاملها تقول صوابعك مش زي بعضها
وعجبي
بحب الدنيا بكل ما فيها من حده
ومهما صادفت واتعرضت للشده
بحبها لو كان حر او برد
لكن هيه تملي بتصدني ومعانده
وعجبي
بشوف الطير في السما فارد جناحة
علي طول احسده لاشايل هم مين جم ومين راحوا
اتاريه من الهم باكي ولا حد داري بجراحة
وعجبي
هيصة وهليلة وزحام معازيم عاملين قافله
وسالت في ايه قالوا تعالي عاملين حفلة
بصيت حواليه باستغراب لقيت في الكوشة قمراية قاعدة
وجنبها ايه....عريس غفلة
وعجبي
اتفرج يا سلام علي اخر البدع
بنت وولد في الشارع ماشيين اخر دلع
علي وسطها لف ايديه....علي كتفة تتلطع
حوارات وكلام كتير كله رسم وخدع
وفي الاخر يسيبها ويدور علي غيرها
وعجبي
