بسم الله الرحمن الرحيم اولا القى التحيه على جميع الغواه الكرام فى المنتدى هذا الكريم

بالنسبه للمراسلات المصريه طبعا هيه من الحمام اللى المستويات فيها تبدا من 100 جنيه وانت طالع لحد فلوس كتير يقدرها غاوى المراسلات المصريه .

1-المشكله فى المراسلات انها كل ما المستوى اصبح اعلى كل ما قل كفائه التاكيل وحضين البيض .

2-بالنسبه لحمام الحضين العادى مثل الجمعيات والزاجل والكريزلات الوش الطويل شويه بيزق كويس اوى فعلا وبيطلع زغاليل زى الفل بس فى بعض الحالات يؤدى الى اعوجاج عضم الزغاليل وده مش بيبان غير بعد فتره كبيره لما يصبح شاب تلاقى العضم الاعلى اتعوج فى الغالب ناحيه اليمين شويه وهوريلكم صوره توضح ذلك الاعوجاج

ده صوره فرد لسه مرماش ريش والعوجه فى العضمه العليا دى تزيد مع زياده عمر الفرد وده من تاكيل اهاليه جمعيات وش طويل شويه

3- لعمل قصوص حضين ملهاش حل تحضن تحتيها المراسلات العاليه اوى تجيب مراسلات مصريه وشها زى اللى هوريهولكم ده بيطلعو الزغاليل ماشاء الله بجد وبلفه وش بيزودوها مش بياثروا على العضم يعنى تحط تحتيهم البيض وانت فى بطنك بطيخه صيفى ههه وبرضه فيه ميزه كبيره انت لو مش عاوز تجهد الحمام ممكن تعكس البيض وبرضه مش هيخسر معاك تكون ضمنت ان العالى فى امان والمستوى القليل شويه اللىيطلع منه خير ولو عاوز تحضن بيض المستوى الحضين تحت الجمعيات عضمه مش يتاثر كتير علشان عضمه القبيه مش بتكون عاليه ومن هنا تكون قدرت تدرج حمام الحضين بدون خسارات بالعكس تكون حافظت على عضم كل المستويات اللى عندك وتتهنى باذن الله بفرخ الحمام كله

مع صور الحمام المميز فى التحضين كما سبق شرحه

ودى صورلطيره من الحمام ما شاء الله عليه حضين للمستويات العاليه جدا والبيضاء ده زغلوله برضه اهاليها من حمام الحضين وطلعه تحت جمعيات كما سبق الشرح

هيه طبعا العمليه دى مش سهله وعوزه صبر شويه حتى تصل اى ماتريد فى الفرخ وتتهنى بزغاليل صحه جيده جميع المستويات والميزه فى الطريقه دى انها ماشاء الله تستطيع تشغيل جميع الحمام عندك والوصول اى المراد

ارجو ان اكون استطعت توصيل اى معلومه للاخوه الكرام ولكم منى كل التحيه والتقدير

<!-- / message -->