صدمه حب

 اكبر صدمه في حياتي اكبر صدمه ليك يا قلبي اكبر صدمه عشتها حببتي يوم ما حبيت اقرب منك واعترفلك اني بحبك وان عشقك في دمي لقيت الوقت فات بعد ما خبيت حبي ليك حب عاش في قلبي من سنين قولتلك بحبك بصوت الصمت قولتهالك بلغة الشفايف والهمس بحروف السكون قولتهالك بكلام العيون كنت فاكر ان كلامي مفهوم وعيونك بتقراء كلامي وقلبك حاسس بمشاعري بس لقيت الوقت فات لما جيت اقولك اني بحبك بعشقك من زمان لقيت الصدمه قدامي لقيت قلبك مشغول بغيري لقيتك بتحبي حد تاني لقيتك اتعودتي علي كلمة حببتي من شفايف غير شافيفي مش بلساني ولا بصوتي لقيتك اتعودتي علي حضن غير حضني ومستغربه حضني وحضني ليك بطل يكون ليك امان بطل يدفيك وبقي شوك ونار بيكوكي بيحرق قلبك ومشاعرك معرفش اعتابك ولا اعتاب نفسي اعتابك انك مفمهتيش احساسي ومشاعري محستيش بدقات قلبي وهي بتصرخ بحبك بتقولك انك حببتي خايف اعاتبك اجرحك اجرح مشاعرك خايف اشوف في عنيك السؤال ليه خبيت حبك عني من زمان ممكن اكون خايف الاقي من قلبك عصيان يرفضني ويقولي مالكش مكان مش عايز اعاتبك حببتي المهم عندي فرحك اعاتب نفسي حببتي اني خبيت حبي خايف اكون ظلمتك معرفش ليه خبيت بس الاكيد اني حبيت صدقيني حبيت باخلاص اعاتب نفسي اني خبيت ومقلتهاش لكل الناس مصرختش باعلي صوتي وقولتلك بحبك يا رتني ما خبيت حبي دي غلطة عمري خبيت حبي وخسرتك حببتي خبيت حبي وضيعتك يا عمري خلاص حببتي ما فيش عتاب انسحب من حياتك وارجع زي زمان اكتم مشاعري واحساسي واخليك عايشه حياتك مع حبيب يستاهل حبك ويقدر حبك المهم عندي سعادتك اشوفك سعيده احس اني ملكته الدنيا حتي لو مع قلب غيري مع حبيب يتغزل في حبك يقولك طول الوقت بحبك عيشي وافرحي عشان اسامح نفسي اني كتمت حبي

\\\\\بريشة الفنان محمد العسكري \\\\يوم الاحد \\\\الموافق11\3\2012 \\\\الساعه 5:57pm

======================