مش فارقه معايا

مش فارقه معايا

انت يا اللي وهمي صورلي انك حبيبي خلاص مش فارقه معايا غيابك وبعدك عني مش فارقه وجودك وقربك مني مش هياثر فيا غيابك عني ولا يهمني قربك مني صدقني مش هندم اني خسرتك بعدك عني اكبر مكسب هكسب حياتي ودنيتي هكسب قلبي هكسب السعاده من تاني وانت اللي خسارتك اكبر ازاي سمحتلك تدخل حياتي وقلبي ازاي قربتك مني وجودك في حياتي من الاول غلطه اندم عليها طول عمري عايز سنين وسنين عشان اكفر عنها واقدر اسامح نفسي واقدر اقدم اعتذار لقلبي يمكن يرضي ويسامحني عن ذنبي اني عرفتك هو انت فاكر نفسك عشان قربت مني خلاص اشتريت حياتي ومن غيرك مقدرش اعيش صدقني دا وهم كبير انت عايش فيه ما يغركش اني كنت بكتب فيك كلام واشعار ما يغركش اني كنت بهواك انا لما كنت فاكر اني بحبك كنت ناسي الدنيا والناس كنت شايفك كل الناس طلعت مغرور كداب طلعت في تمثيل الحب والغرام استاذ المشاعر والاحساس عندك وهم وخيال يوم ما تقول هبعد هفتحلك باب قلبي وحياتي اياك ترجع تاني متخلنيش اشوفك مره صدفه ساعتها هتندم هلي كل لحظه كنت بتمثل فيها حبك بتخدع فيها قلبي انت مين عندك قلب يحس بالمشاعر والاحساس ولا قتلته خليته حجر صوان تتكسر عليه المشاعر والاحساس هو انت غاوي تجرح قلوب متعودتش تكون في الحب قاسيه متعودتش تكون زيك خاينه لقلب حب وداب وعاش في الحب والغرام فاكر كل القلوب زي قلبك صدقني ما فيش في الخيانه والغدر زي قلبك كنت فاكر انك هتتعلم وتعلم قلبك يحافظ علي عهده وحبه يمسح حروف الغدر والنسيان والجراح من قاموس حياته صدقني لو كنت اخلصتلي في حبك مكنتش مثلت عليا غرامك كنت خليتك طول عمرك جنبي كنت حطيتك مكان قلبي كنت افديك بعمري لكن خلاص الوقت فات وانت اخترته مصيرك وخدته قرارك وانا عمري ما اشتري اللي باع انت بعت والثمن رخيص خسرته حبي وخسرتك اكبر بكتير هتندم

\\\\بريشة الفنان محمد العسكري \\\\يوم الخميس \\\\الموافق 23\2\2012 \\\\الساعه 2:49مساء

Posted 4 days ago by الشاعر محمد العسكري