سور من ورق

سور من ورق

مع انك عارفه اني بهواك ودايب في غرامك مع انك عارفه اني بحبك وبتمني قربك بعشق رسمك وملامحك بعشقك وبعشق اسمك بتمني ارضيك حببتي مع انك عارفه حبي ليك شايف الخوف في عنيك سامع دقات قلبك بتعزف لحن خوفك بتخبي جواك مشاعرك واحساسك خايفه علي جرح قلبك خوفك خلاك تبني بيني وبينك سور كبير بس سور مش هيبعدني عنك عشان سور من ورق يتهد ويقع بهبة ريح من شوقي وحبي من اشتياقي وعشقي بدقه من قلبي تهزه وتهده مهما بنيتي اسوار من ورق مهما بنيتي حواجز هتلاقي ايدي تهدها وتبني بدلها جسور الحب توصل قلبك بقلبي تطمنك حببتي جسور اخطي عليها اطمنك حببتي واخدك في حضني متعرفيش حببتي قد ايه حبك اتملك من قلبي ليه حببتي تبني بينا سور بدل ما تبني جسور ليه تخلي خوفك سور يعلي ويعلي يمنع حبي وشوقي يوصل لقلبك ليه تخلي خوفك سجنك ليه تبنيه بيدك لو عايزه تبني لنفسك مكان ابني في قلبي قصر الاحلام انتي حببتي كل الاحلام لو عايزه تبني اسوار بلاش تبني اسوار تفرق بينا ابني سور يحوط علي قلبي وقلبك عليه علي قد حبي وحبك ميكنش سور من ورق يكون سور من صلب وحجر يحمي قلوبنا من غدر الزمن من ناس عايزه تفرقنا يا اغلي المني ابني سور لسما يوصل لشمس والقمر يصحبونا في الليل والسهر يشهدوا علي حبك في قلبي يعتبوني لو زعلتك حببتي لو بيدي اعملك من النجوم عقد وتاج يخليك اميره علي بنات الكون هبنيلك حببتي سور بلحمي ودمي علي ارض ازرعها بشوقي وحبي سور يحميك ويصونك ويطمن قلبك يقتل جواك خوفك ازرع مكان خوفك حبي وقلبي

\\\\\بريشة الفنان محمد العسكري \\\\\يوم الاربعاء \\\\\بتاريخ 29\2\2012 \\\\\الساعه 10:55am

----------------------------------