الثار لقلبي

اطمن يا قلبي وريح بالك هخدلك بتارك من اللي جرحك وطعنك بسيف الغدر والخيانه جرحك يا قلبي غالي عندي واللي جرحك وطعنك هخليه يندم ويجي يبوس الايادي هذله واكسره ويطلب منك تسامحه هكسره واجرحه قدامك يا قلبي واخليك تدوس عليه وتبرد نارك اطمن يا قلبي وريح بالك هاخد بتارك من اللي خان حبك وعهدك ومقدرش قيمة حبك وقربك من اللي مكنش يحلم تعشقه وتحبه حبك ليه كان حلم مستحيل مكنش يقدر يحلمه وتحقيقه صعب اكيد تارك دين في رقبتي مش هسكت غير لما اشوفك راضي ومطمن غير لما اطفي نارك وناري مش معني انك طيب يفتكروا ان سهل جرحك وبرضيك باعتذار وكلمه ويبعد ويسيبك وفي اي وقت يرجعلك اطمن يا قلبي تارك هاخده مهما طال عمري اللي جرحك وخانك هخليه يركع قدامك هاخد بتارك يا قلبي من اللي خالك تعيش لحظة حزن من اللي خالك تندم علي لحظة حب من اللي خالك تشك في حلاوتة الحب من اللي خالك تخاف تعشق تاني وتحب من اللي خالك تساوي الحب بالغدر والطعن هيجيلك يا قلبي ويطلب منك السماح اياك يا قلبي تديلو صك الغفران ما يستهلش غير القتل والحرق بالنار وتدفنه في قبر النسيان عشان يتعلم ان جرح القلوب يخليه يعيش طول عمره في حزن وانكسار ويلبس ثوب الذل والخذلان يا قلبي انا مش قاسي بس عشان يعيش حبي لازم ارويه بكرامتي الكرامه للحب تاج تحميه وتصونه من الغدر والجراح صدقني يا قلبي انا لما  الاقي من حبيبي الاحترام ويعاهدني ويعهدك ان ما فيش غدر ولا جراح ما فيش طعن في المشاعر والاحساس افديه بعمري واخليه اسعد انسان وقبل عهده عهد مني احميه من  الجراح انا لما احب بكون اخلص انسان اصدق البشر في المشاعر والاحساس لو انجرحت يا قلبي هاخد بتارك وابرد نارك اطمن يا قلبي وعيش في دنيا الغرام وانسي كل الجراح

\\\\بريشة الفنان محمد العسكري\\\\يوم الاثنين \\\\بتاريخ 21\2\2012 \\\\الساعه 10:14am
---------------------------