حاجات كتير ملهاش عندي تفسير اهمها اني حبتك من غير تفكير حبتك حب كبير متساليش امتي وازاي حبتني ازاي وانت مشفتنيش حبتني ازاي واحنا متقبلناش كتير متساليش عارفه ليه عشان ما فيش عندي جواب ولا تفسير سوالك خلاني احتار قلت لازم ادور علي الجواب سالت اللي حب وداب قبلي في الحب والغرام لقيت عندهم نفس الجواب ملقتش عندهم تفسير اساليهم لو كنت كداب اسالي نفسك لو انتي عندك جواب اسمعي كلامي سيبك من السوال ما دوريش علي الجواب خلينا عايشين احلي الاوقات اجمل اللحظات وقت سرقناه من الزمن وقت منحسبهوش من حياتنا صدقني معنديش جواب يطمن قلبك يريح بالك يقتل الشك جواك الاحساس مش لازم يكون له اسباب الحب والغرام متمشيش عليه قوانين المنطق والحياه نسال ليه عن حاجه تبعدنا عن الحب والسعاده المهم تصدقي احساسي ميدخلش جواك شك في حبي وغرامي صدقني لو عندي جواب كنت قولته قبل ما تسالي السوال عشان عارف ايه اللي في خيالك فاهم احساسك ومشاعرك عارف كلامك قبل ما يقوله لسانك عارف خطوتك قبل ما تتحركي وتمشي عارف نظرتة عنيك قبل ما تفتحي وتبصي غمضي عنيك وامشي علي ضي عيني امسكي ايدي امشي واطمني اسمعي صوتي يدلك علي طريقك بحس بيك قبل ما تشوفك عيني نورك سابق خطوتك جمالك سابق طلتك صوت همسك سابق كلامك بشوفك في احلامي قبل ما احصي من منامي طيفك وخيالك معايا وانا صاحي وانا نايم اسمك علي لساني اجمل غنوه في حياتي انا بجري في دمك وانتي بتجري في دمي عمري ما حسيت احساس الا وقسمناه انا وانتي حببتي انتي الحلم اللي انا حلمته متساليش خلينا نعيش حلمنا اجمل حلم عشته من سنين متساليش خلي الحلم يبقي حقيقه امسكه بايدي واحققه ليك يا ارق حبيبه متساليش واطمني حبي ليك اكبر حقيقه في حياتي يا حلم حياتي 

\\\\بريشة الفنان محمد العسكري \\\\يوم السبت \\\\الموافق 14\1\2012 \\\الساعه 10:15am

----------------------------