كل سنه حبيبي

كل سنه حبيبي

خلص الكلام واحنا في اخر العام اقولك كل سنه وانت حبيبي كل سنه وانت معايا كل سنه وانت في الدنيا سعيد كل سنه وضحكتك منوره دنيتي سامحني حبيبي لو كنت جرحتك غصب عني وانا مش في وعي كل سنه كل يوم كل لحظه بقولك بحبك عارف حبيبي ايه احلي لحظه عدته عليا لما سمعت منك بحبك لما سمعت اسمي في نبض قلبك لما خدتني في حضنك وحسيت بالدفاء من برد بعدك عني قبل ما تقرب مني من برد الشوق وطول الانتظار كتبتلك كلام كتير عن اجمل احساس عشته من سنين معاك وفي قربك لما كنت في حضنك كتبتو بنبض قلبي كتبتو بروحي ودمي بس في قلبي شوق ولهفه حب وغرام كبير عشان اكتبه واوصفه عايز من عمري سنين وسنين اول معاد بينا ما كنش يوم لقائنا كان في اول حلم من احلامي اول حلم حلمته في حياتي فيه خدت عهد علي نفسي اخليك معايا وفي قربي زي روحي في جسمي دورت اهاديك حبيبي بهديه قولت اجبلك الورد لقيته غيران مارضيش يطاوعني قولت اجبلك نجمه من السماء لقيتك انت والنجوم واحد في الشبه قولت اجبلك من السماء قمر لقيته من ضيك منور السماء من رقتك بيعاتب العشاق انا مستهليش كلام الغرام حيرتني حبيبي ازاي اهاديك اجبلك قلبي هديه ازاي وانت قلبي وسر حياتي وقلبي بيدق علي دقات قلبك كل سنه وانت حبيبي كل سنه وانت معايا كل سنه وانت نور عيني كل سنه وانت انا كل سنه كل يوم كل لحظه واسمك علي لساني غنون احلي غنون

\\\\بريشه الفنان محمد العسكري \\\\يوم السبت \\\\بتاريخ 31\12\2012 \\\\الساعه 4:38pm

----------------------------------------