حب كداب
يمكن اكون غلطان يمكن اكون كنت عايش في الاوهام يمكن اكون صدقت كدبه كدبتها كتير علي نفسي زمان صدقت كدبة انه بيحني ودايب في عشقي طلع كداب ميعرفش حاجه اسمها حب ميعرفش غير الجرح والكدب ما يعرفش غير جرح الناس قولتلك يا قلبي كتير متصدقش اي كلام مش كل الكلام بيكون لبس ثوب الصدق ولاخلاص قولتلك يا قلبي دا في تمثيل الحب والغرام اكبر فنان مثل دوره بشطاره واتقان كتب مسرحيه بشطاره وزع الادوار وكتب لنفسه دور البطوله دور اكبر منافق كداب دور خدع الناس مسمي نفسه قلب طيب اخلص الناس في الحب والغرام وهو شرير كداب عمره ما حب حد ولا هو انسان وراء اسمه المزيف مخبي حقيقته مخبي مشاعر كدابه هو فاكر الحب لعبه ولا فاكر ان الناس لما تحب بجد تغمض عنيها ويحركها زي الارجوزات لا انت غلطان مش معني اني بحب اسلم قلبي لاي حد وهمك صورلك انك خدعتني خدعت نفسك وظلمت قلبك وخسرت ناس بحبك خسرتهم بكدبك بمسرحيه خايبه كتبتها ليك وحدك صدقني مجرحتنيش خلتني افكر ازاي اختار حبيبي واعيش خلتني مصدقش بسهوله كلمة بحبك خلتني افكر الف مره قبل ما اسلم قلبي مش اي حد اسميه حبيبي واقربه مني لزم اختبره واعرف ان كان صادق معايا في حبه ولا بيمثل عليا زيك ويخدعني مش هسمح لحد تاني يخلني مسرحيه يكتبها ويمثلها عليا ويتفرج عليا ويضحك عليا ويقولي خدعتك من النهارده انا اللي هكتب واقول بس معرفش امثل الحب زيك هقول بس اللي في قلبي واوصف حقيقة مشاعري هخليك تتعلم ازاي تكون صادق في مشاعرك وحبك زي اخلاصي لحبيبي واخلاصي وصدقي مع قلبي اصلي بحب بجد وحبي معني مخلنيش اكدب يوم واحد في عمري

\\\\بريشة الفنان محمد العسكري \\\\يوم الاثنين \\\\الموافق 12\12\2012\\\\الساعه8:17am