مين

تجي نحسبها صح انا وانت وبس تجي نحسبها بالعدل ونشوف مين اللي عليه الحق نشوف مين ظلم ومين انظلم مين اللي سرق ومين انسرق مين  سرق قلب مين ونشوف حب مين غلب ومين انهزم وبقي اسير اللي غلب ما تجيش في يوم تقولي انت اللي السبب جننيني غيرت حالي لخبطة تفكري متقولش انت السبب شغلتلي بالي سهرتني الليالي كل اللي بتقوله مجرد كلام.كلام في كلام مالهوش اساس ما فيش عندك دليل تقدمه للناس تهمه انا منها برئ لسه الحقيقه معرفنهاش مين الجاني ومين المجني عليه و علي الكلام.كلام من غير دليل سهل اقولك انك سارق النوم من عيني شاغل قلبي سهرتني ليالي وانت عامل نفسك مش عارف بس الدليل عندي واضح اكيد لو دوروا علي قلبي هيلاقوه من ساعة ما عرفتك راح عندك وسابني وعينا بتعصاني من ساعة ما شافتك مش عايزه تشوف حد تاني حتي ايدي لو سلمت علي غيرك تعاندني وتقولي حرام عليك دا الغالي احسن في سلامه بالحضن الدافي من غيره الدنيا ما تساوي حتي شافيفي لو قلت غير اسمك تمنع كلامي حرمت عليا الكلام الا ليك ومعاك حتي منامي  ما فيش غيرك بيجني في الاحلام صاحي ونايم وانت محور حياتي انت كل لاماني انت جرحي ودواي اسمك في دمي ناشي في عروقي عرفت مين الجاني مين اللي سرق وشغل التاني عرفت انك في الحب والغرام مافيش زيك في سرقة قلوب الناس وبكل الادله اللي قولتهالك هقدم فيك شكوي لقاضي الغرام مش هيرحني غير انك تنسجن جوا اللي سرقته مني تنسجن جوا قلبي حكم نهائي عشان تحرم تسرق قلب حد تاني وتحرم تتهمني وانت السارق لقلبي وحياتي ظهرت الحقيقه وطلعت انت الجاني وتستهل يحكم عليك القاضي متقولش الحكم ظالمي \\\\بريشة الفنان محمد العسكري \\\\\يوم الاثنين \\\\\الموافق 21\11\2011 \\\\ الساعه am8:08---------------------------------