حبيبي واحلامي
من كتر ما شوفتك في احلامي اتمنيت في يوم القاك واقابلك واخدك في حضني من كتر ما شوفتك في احلامي حفظت شكلك وملامحك وبنبض قلبي وبرموشي رسمت صورتك سالت عليك بين الناس من جمالك ورقتك وطبتك كاني بدور علي سراب كل
ما اقرب اوصله القيه اتبخر وفي الجو طار لكن الامل في لقاك عندي عمره  ما مات بس عشان اقابلك لازم نتفق علي مكان ما يكنش
عرفه قبلنا الناس ويكون لينا لوحدنا ما يكونش فيه حد انجرح قبلنا مكان وارض نزرعها شجر الهنا والفرح يضلل علينا من الفرقه والغدر والجرح ارض زي اللي شوفتها معاك في الاحلام ارض طاهره نقيه من ذنوب ناس بتقتل قلوب العشاق ارض ميتها صافيه نشربها نروي بيها حبنا نفطمه ونكبره بينا نذوق ونحس طعم الحب في دنيا ضاع منها الاخلاص والصدق في المشاعر والاحساس بين الناس عاهدني يا حبيبي نروي ونكبر شجر الفرح والهنا يطرح علينا ورد دا الحب زي الورد ينشر عطره في كل مكان من غير استاذان يشم عطرها قلوب صادقه الاحساس ويبقي ارق انسان الحب سر ونبض الحياه نور ينور ظلام النسيان يبقي الحب زي طير في السماء له جناحين هما الصدق والاخلاص يحلوه طاير في السماء يرفف علي قلوب العشاق دا الحب هو الحياه
\\\\بقلم محمد العسكري \\\\يوم الاثنين \\\\بتاريخ 24\10\2011 \\\\الساعه 11:12pm
----------------------------