• ارض مصر عفيه مهما شابت برضو قويه                     ممكن تجف متمتش نرويها الروح ترد فيها
  

• ارض مصر مهما صابها مرض وشر                         احنا باييدنا نرويها ونشفيها باذنك يارب
  

• الارض تحتها نار بيغلي ويشعلل نار                           طله شرار بينه لناس عشان يكون ليهم انذار
  

• قالوا زمان كلام موزون بالدهب والماس                       العند بيورث الكفر بيخلي الانسان عميان
  

• صوت الشعب زلزتا ضرب وهز القصر                      جاب حسني في الارض ذله ودخله السجن
  

• متلوميش يا مصر وتعاتبي ولادك                              متقوليش سبتوني ليه يسرقني الخان
  

• احنا مكناش ساكتين اتكلمنا كتير                                بس الفساد جذوره كانت في سابع ارض
  

• كان اللي بيمشي صح يبقي ماشي عكس الخط                كان اللي عنده اخلاق يداس تحت الناس
  

• الزمن اتشقلب يا ناس التافه يتعلمو حساب                    المنافق الكداب يتقال عليه اصدق انسان
  

• كله راح بعد ما اتفجرت اعظم الثوارات                       الصوره المقلوبه رجعت لاصلها تاني واتعدلت
  

• رجعنا تاني نحط النقط فوق الحروف                          كل واحد فينا يتحط في مكانه بالمظبوط
  

• برش الامثال الغلط اللي شقلبت حال البلد                      لو تعرف حد مهم يقولوا عليك انسان محترم
  

• ليه نقيس الناس بالملاين والملاليم                              ربنا فرق بينهم باللي في قلوبهم مش بفلوسهم
  

• زي ما قال الرسول الكريم عليه الصلاه والسلام            ما فيش فضل لعربي علي عجمي الا بالتقوي
  

• ميزان الحق اتعدل وحال البلد انصلح                          الكل عرف مكانه والتافه علي جنب اتركن
  

• هنفضل وراك يا مصر نخليك احسن بلد                     انسي اللي جري جراحك احنا ليها دواء

\\\\\\\\\بقلم محمد العسكري \\\\\\\\\\\\\\يوم الاريعاء \\\\ الموافق 20\4\2011\\\\\\\الساعه 12:05PM\\\\\\\\\\\