مبارك أسم مستعار مخبي وراه العار                   اسمه الحقيقي خاين جبان عميل اسرائيل والامريكان
طاطيت رأسك لاسرائيل سمعت كلام الامريكان           مصالح امريكا واسرائيل عندك اهم من المصرين
المعونه كسرتك خليتك أسير الامريكان                  خنت العهد بعت القضية ضيعت فلسطين
حبست اهل فلسطين قفلت عليهم باب حديد               يصرخوا افتحلنا طريق تقول لازم يوافق الاسرائلين
انت مصري اشك انك تعرف معني كلمة مصر           المصري اللي شرب من النيل يحب كل المصرين
المصري المصري بجد يعشق تراب مصر               المصري بجد يحس بالمصرين يحس ازاي عايشين
حسيت بالناس طفحو الكوته عشان يربوا العيال            أتغربوا عن مصر بعدوا عن ألاهل عدني منهم سنين
سمعت عن ناس عايشين في المقابر مع الميتين            سمعت ولا عامل ودن من طين وودن من عجين
ربيت في حضنك الفساد رد الجميل بعد الرحيل           مهما عملوا من خراب مش هنترحم يا حسني علي ايام زمان
لسه فيك النعره الكدابه ومليان غباوه                   عايز تعتذر وتقول انك برئ تجبها في شويه مستشارين
حجة مكنتش اعرف مش مبرر عذر اقبح من ذنب         فضليت ليه في الحكم علي شعب استامنك عليه رب لعالمين
مش هنسمح في دم الشهيد ولا قطر الصعيد              عباره مات فيها فوق الالف شهيد في البحر غرقانين
اهل الدويقه تحت الجبل والخوف عايشين                وقع عليهم زي المطر هد البيوت تحت الطوب ماتوا مخنوقين
عيش من قمح فاسد يـــــــــــافاسد                      زرع متسرطن وفيرس في كبد النا استوطن
السماح مش من حق اي حد بس حق صاحب الدم          لسه نتستخف بعقل الناس ولا انت لسه غفلان
ضاع وقت الاعتذار لسه في بينا حساب كبير             اعتذارك مرفوض مرفوض مش هيقبله المصرين
الزمن مش بيرجع لوراه الزمن لو راح مات             معملتش حساب ليوم الحساب مش هتلاقي الغفران
اي كلام عن العفو والسماح اهانه لمصر والثوار          مصر دلوة قانون محدش فوق القانون مهما يكون مين

\\\\\\\\\بقلم محمد العسكري \\\\يوم الأربعاء \\\\الموافق 18\5\2011\\\\ألساعة 11:05