-القلعه و ما حولها من اشهر مناطق الصيد بالاسكندريه لما تتمتع به من مخابئ و صخور تمتد تحت الماء لمسافه لا تقل عن مئتى متر امام القلعه مما يعد مكان مناسب لمعبشه الاسماك
2-جزيره الارمجان و هى فى منتصف الميناء الشرقى و هى صناعيه و يمكن الصيد امام الجزيره بالقوارب فقط دون الصعود على الجزيرة لان هذا ممنوع حاليا و الميناء الشرقى بوجه عام مستعمره البطاطا
3-ميناء الدخيله: من افضل المناطق و اغزرها فى كميات و احجام الاسماك و لكن تحتاج الى تصريح دخول
4-السلسله:فى الميناء الشرقيه ايضا
5-كوبرى استانلى:الصيد هناك ليلا يعطى نتائج جيده
6-خليج نادى المهندسين: يوجد به مجموعه لا باس بها من الاسماك مثل البورى و البطاطا و الترس و الموزه و المكرونه
7-كوبرى المنتزه: يجب قطع تذكره دخول المنتزه و المشى لمده ثلث ساعه للوصول اليه و لكن المشى فى المنتزه متعه فى حد ذاتها و يوجد هناك اسماك بيضاء جيده
8-خليج ابوقير:يوجد به اسماك خشنه مثل البطاطا و المكرونه و الموزه و اسماك بيضاء مثل الميرمار و الشراغيش فهو بحق مستعمره قديمه
9--جزيره نلسن:فى وسط البحر على بعد نصف ساعه من ابوقير و يتم الوصول اليها بالقوارب ذات المحركات الديزل
10-الساحل الشمالى:يوجد به اسماك جيده جدا لصيد المكنه و لكن يجب انتقاء المكان بعنايه فكما قلت قد تذهب و تجد ان الاسماك قد ذهبت فى مشوار و تركت المنطقه
11- مارينا:يوجد بها كبارى ذات جوده عاليه اذا حالفك الحظ قد تعود بما لا يقل عن عشره كيلو جرامات من الاسماك
12- لسان المندرة تحت فندق شيراتون بوري دنيس خاصا في الليل رزقها واسع
13- لسان العصافرة مثله
14 اللسان في نادي القوات المسلحه 6 اكتوبر خلف حلقه السمك
15- جزر ميامي
16 - أمام المحروسه شراغيش وزنجاريا وبوري وبطاطا


هذه هى الاماكن اللى اعرفها و لو حد يعرف حتت تانيه يزيدها ربنا يوفق الجميع

--------------------------------------------------------------------------------

اما الطعوم المعتادة
الصيد فى البحر المتوسط اصعب صيد لان السمك خبير فى اساليب الصيد و الهرب من الصياد و لا ياكل اى طعم ترميه فى اى وقت من العام بمعنى ان السمك ليه مزاج ... ايوه مزاج و عالى كمان
ايام تلاقيه نفسه مفتوحه و بياكل كل حاجه و ايام تلاقيه ملهوش نفس كده غير لطعم معين مع انه نفس النوع و نفس المكان بس اللى تغير هو المزاج
ثم ان السمك فى الاسكندريه قليل و كثير الحل و الترحال بمعنى انه لا يستوطن مكان معين لفترات طويله و بكده ممكن تصطاد من مكان و بعدين تلاقى المكان مفيش فيه غير الرمله فى اقل من شهر
المهم من اشهر الطعوم:
الجمبرى البرغوت
الجمبرى العقر ( اكبر حجما حوالى 3 سم)
الجمبرى البلنس( اكبر منهم حوالى 5-6 سم)
الجمبري النطاط ( جمبري حي)
الدود القراص و ده لانه بيقرص بس قرصته خفيفه جدا و لا تترك اى اثار
الدود الاسمعلاوى
دود الارض
الجرايات (كابوريا صغيره)
صراصير البحر
السردين المملح
ام الخلول
الجندوفلى
العجين
العسب الاخضر الفتل و ده مخصوص للبطاطا بس
مصارين الفراخ
القواقع التى تكون ملتصقه بالصخور