قالوا ده ايه
ده حيالله حته اي حاجه
ده بهلوان
والله دول معذورين
والله دول م......ين
اصل لو حسوا الانين
لو عاشوا لحظه
في ليالي المحرومين
لو اتعلموا رسم الفرح
بين دموع حضناها عين
معذروين
ساعات بنضحك وجوانا
مشروخه القلوب
وساعات نداري انقي مافينا
ونمشي بالمقلوب
وساعات نجرح اغلي مالينا
بس قبل ماننام
لازم نصلي عشان نتوب
اصل ربك ياضعيف
مش رب اللي براك
ربك والله رب قلوب
معذورين
وقالوا بهلوان
عايش يومه بالتوهان
مش فاهمين
ولا حاسين
ان الابيض وياالاسود
وان النقطه بدايه سطر
كله عايش بالالوان
حتي الدنيا عشان نفهمها
حط قوانينها في القران
اسمع ياابني انت وهو
عشان تحس حلاوه
لازم تدوق احزان
وعشان تعيش فيلسوف
هتلف وتشوف
تداري حاجات
وحاجات هتبقي عالمكشوف
بس الاكيد
والشي المفيد
عشان تفيد وتستفيد
لازم تعيش دنيتك
نصه حياء
وربعه كبرياء
وربع مشكل
حبه عباطه
وبتسلم عليك خالتي اطاطا
بتقولك عشان تكون انسان
لازم تكون انسان
وعشان تكون العاقل
لازم هناك واحد
عيشته جنان في جنان
وعشان تكون حكيم
جرب تكون....
بهلوان
احمد عبد الحق
