حمان ف.البرلمان: 

حمان خارج عيان 
من البرلمان.
من  الحلوى شبعان
ضرو لمصران 
وانت عليك لمان؟
عش الحرمان
أنا حمان 
كنخطب كنجدب
وانت تعصب أو غضب
كاناكول لحلوى ولبانان
كندافع ونترافع 
وبرزق الدراوش نترافع
وانت عليك لمان 
أمالك أبوشعيب ؟
تقلب على  العيب
وليت مطور 
وليت تصور
حن و ارحم 
راه غير لمدام توحم
خدينا حليوات باقي اللحم 
عليك لمان. عليك لمان. 
الحلوىف.الميكا
والتعنكيرة والتوريكة
والمعمل والشريكة
 وزيد وزيد
 أمولاي ليزيد
عين لحسود
فيهاعود
يا حلاوة. 
أدوك لمداويخ
اللي غلب يعف 
واللي ما سكت يرعف
ولا يتكتف
نسيتو باللي انا مسكين
جوج فرانك ما دير لي تقاعد زين
وليتو علينا عاسين
يا لمزاليط يالمدوخين
باللاتي عليكم 
عندنا قوانين
الحنزازا نعميو  ليهم لعينين
ونشوفو شكون فينا أقوى
واش المداويخ ولا صحاب الحلوى.
عليك لمان .عليك لمان.
سولت حمان أش واقع
   في عين السبع ؟
قال لي ما شاف ماسمع
بالسيف .انت مبرع 
والناخب مكربع 
 من حالتو يشدك لوجع
القلب يتألم والعين تدمع
عائلات تشتت ليها المجمع
التراكس ف.الديور تقلع
الناس تبكي ولا من سمع
مابقى سبع كولشي ضبع
أنت  شبعان  حلوى
خارج    تنخوى
وشي بالجوع يتلوى
بان يابرلمان
حتى هادو انسان
مابغاو كلام ولا بهتان
بغاو حقهم ف. السكن
وحقهم ف.الوطن
بغينا حتى حنا 
لهنا 
حقنا  
ف.خيرات وطنا.
عمر بنحيدي      15/10/2018