( زي النهارده )

زي النهارده من سنين
كان قلبي لسه مش حزين
ولا حتي يعرف يعني ايه كلمه وجع
كان لسه ولا مره انخدع
كان ورقة بيضه مسطرة 
مرسومه فيها وردتين
وتعدي السنين ورا السنين
واشوف بشر متلونين
بمية ألف لون 
ميعرفوش معني الحنين
ولا جربوا دمع العيون 
ويتوهوك ويعذبوك 
يرموك في دايرة 
من الظنون 
وتكبر ويكتر فيك حاجات 
وتلاقي قلبك شبة مات
مهو عودوه انه يموت
كل يوم م الذكريات 
زي النهارده من سنين 
كان عندي حلم اسافر واطير
اعيش حياتي كأني طير
الف كل الكون دا كله
واهو حلمي مات وبقيت اسير
زي النهاردة من سنين 
كان كلي املي اني اكبر
وابقي سعيد من غير ما افكر
مكنتش اعرف غير لونين
ابيض واسمر
ولما كبرت اتلونت كل الحياه 
ولاقيت مع الألوان اهات
مش بس اه 
واه م الوجع
فيه البدع علي كل شكل
فيه الجعان بياكلني اكل
بينهش في لحمي يقطعه
ملهمش عقل
ميعرفوش اني بشر 
وقلبي منهم اتكسر
واللي اتكسر
ازاي هيرجع منتصر
زي النهاردة من سنين
مش قادر انسي اللي فات
والذكريات ويا الاهات اتجمعوا
وقتلوا الحنين
ودا من سنين 
#حبيب_علي