زجل
معاناة الشباب
من وين بدّي اشتري فستان
لهالعروس وجيب فاضيي
او كيف رح سكّنا بالدار
خمسه أخوتي وام مع بيي
واقف مفكّرْ عاجز ومحتار
وكل المنافذ سكّروا عليي
بصارح اهلها عالمهر معثور
بفك الخطوبه عن حسن نيي
ان ماكنت فيني اسعدا بمقدار
تعيش بكرامه وعز محميه
بكذّب عليها شو بطعميها غزل
وبلبّسا من الشعر مزويّه
بئلاّ مابدي سكّنك بقصور
حجار ولبن وشموع مضويه
بئلا انا من الورد روحي بغار
رح سكّنك برموش عينيه
صفّى بعصرنا الحب مبيبني جدَار
بدّا البنت اموال نقديه
من وين بدّي جمّع الاموال
وراتب شهر معدود بالميه
افضل الي فك الخطوبه حرام
اظلم بنت بالعز مرويه
عين البنت صفّت على الشبّيح
مو هم كيف انجمع سرقه وحراميه
